India Fights Corona: દેશમાં 103 દિવસ બાદ સૌથી ઓછો મૃત્યુઆંક નોંધાયો, 24 કલાકમાં 518 દર્દીનાં મોત

Coronavirus News Live Updates, 18 July 2021: ભારતમાં સતત 21 દિવસથી કોરોના સંક્રમિત કેસો (India Corona New Cases)ની સંખ્યા 50 હજારથી નીચે નોંધાઈ છે. આ ઉપરાંત 103 દિવસમાં આજે સૌથી ઓછો મૃત્યુઆંક (Covid Deaths) નોંધાયો છે. બીજી તરફ, કોરોના વેક્સીનેશન અભિયાન (Corona Vaccination Campaign)માં પણ ઝડપ જોવા મળી રહી છે. 14 દિવસમાં પહેલીવાર 50 લાખથી વધુ લોકોને કોરોના વેક્સીન (Covid Vaccine) આપવામાં આવી છે. નોંધનીય છે કે, 183 દિવસની અંદર 40 કરોડ વેક્સીનના ડોઝ આપવામાં આવી ચૂક્યા છે. આમ, રોજ સરેરાશ 22 લાખ વેક્સીનના ડોઝ આપવામાં આવી રહ્યા છે. (પ્રતીકાત્મક તસવીર)

સ્વાસ્થ્ય મંત્રાલયે રવિવાર સવારે જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 41,157 નવા (Corona Positive Cases) પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 518 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 3,10,26,829 થઈ ગઈ છે. બીજી તરફ, દેશમાં કુલ 40,49,31,715 લોકોને કોરોના વેક્સીન (Corona Vaccine)ના ડોઝ આપવામાં આવ્યા છે. એક દિવસમાં 51,01,567 લોકોને રસી આપવામાં આવી છે.

કોવિડ-19 મહામારી (Covid-19 Pandemic) સામે લડીને 3 કરોડ 2 લાખ 69 હજાર 796 લોકો સાજા પણ થઇ ચૂક્યા છે. 24 કલાકમાં 42,004 દર્દીઓને ડિસ્ચાર્જ કરવામાં આવ્યા છે. હાલમાં 4,22,660 એક્ટિવ કેસ છે. બીજી તરફ, અત્યાર સુધીમાં કુલ 4,13,609 લોકોનાં કોરોના વાયરસના કારણે મોત થયા છે. (પ્રતીકાત્મક તસવીર)

ઈન્ડિયન કાઉન્સિલ ઓફ મેડિકલ રિસર્ચ (ICMR)એ જાહેર કરેલા આંકડાઓ મુજબ, 17 જુલાઈ, 2021 સુધીમાં ભારતમાં કુલ 44,39,58,663 કોરોના સેમ્પલનું ટેસ્ટિંગ કરવામાં આવ્યું છે. શનિવારના 24 કલાકમાં 19,36,709 સેમ્પલનું ટેસ્ટિંગ કરવામાં આવ્યું છે. (પ્રતીકાત્મક તસવીર)

ગુજરાતમાં કોરોનાની સ્થિતિ અંગે વાત કરીએ તો, છેલ્લા 24 કલાકમાં કોરોના વાયરસના નવા 37 કેસ નોંધાયા છે. જેની સામે 110 દર્દીઓ સાજા થયા છે. છેલ્લા 24 કલાકમાં રાજ્યમાં કોવિડ-19ના કારણે એક દર્દીનું મોત થયું છે. રાજ્યમાં કુલ મૃત્યુઆંક 10075 થયો છે. રાજ્યમાં સાજા થવાનો દર 98.71 ટકા છે. અત્યાર સુધીમાં 2,93,41,544 ડોઝ કોરોના વેક્સીનના આપવામાં આવ્યા છે. શનિવારે કુલ 3,13,740 વ્યક્તિઓનું રસીકરણ થયું છે. (પ્રતીકાત્મક તસવીર)

ગુજરાતમાં નવા કોરોના વાયરસ કેસમાં અમદાવાદમાં 6, સુરતમાં 6, વડોદરામાં 5, રાજકોટમાં 1, મહેસાણામાં 3, સાબરકાંઠા, સુરેન્દ્રનગર, ગાંધીનગર, જામનગરમાં 2-2, આણંદ, બનાસકાંઠા, ભરૂચ, ભાવનગર, દાહોદ, ડાંગ, ગીર સોમનાથ, જૂનાગઢમાં 1-1 સહિત કુલ 37 કેસ નોંધાયા છે. (પ્રતીકાત્મક તસવીર)

ગુજરાતમાં છેલ્લા 24 કલાકમાં કોરોનાના કારણે સુરતમાં એક દર્દીનું મોત થયું છે. બીજી તરફ અમદાવાદમાં 35, સુરતમાં 9, વડોદરામાં 8, રાજકોટમાં 8, ભાવનગરમાં 11, અરવલ્લી, મહીસાગરમાં 7-7, વલસાડમાં 5, મહેસાણામાં 5, આણંદમાં 4 સહિત કુલ 110 દર્દીઓએ કોરોના વાયરસને મ્હાત આપી છે. (પ્રતીકાત્મક તસવીર)

ગુજરાતમાં અત્યારે કુલ 532 દર્દીઓ એક્ટિવ પેશન્ટ તરીકે દાખલ છે, જેમાં 6 દર્દીઓ વેન્ટીલેટર પર છે. રાજ્યમાં 526 દર્દીઓ સ્ટેબલ છે. રાજ્યમાં અત્યાર સુધીમાં 813853 દર્દીઓને ડિસ્ચાર્જ કરવામાં આવ્યા છે. (પ્રતીકાત્મક તસવીર)