Corona: દેશમાં વધુ 817 દર્દીઓએ જીવ ગુમાવ્યો, કુલ મૃત્યુઆંક 4,05,028એ પહોંચ્યો

COVID-19 in India, 8 July 2021: ભારતમાં કોરોના સંક્રમણનો કહેર ઘટ્યો છે પણ ચિંતાનું કારણ હજુ પણ છે કારણ કે રોજ નોંધાતા કેસો 40 હજારથી ઉપર જ નોંધાય છે, સાથોસાથ મૃત્યુ પામનારા દર્દીઓની સંખ્યા પણ વધતી જઈ રહી છે. બીજી તરફ, કોરોના વેક્સીનેશન અભિયાન પણ ચાલી રહ્યું છે. છેલ્લા 24 કલાકમાં 33 લાખ 81 હજારથી વધુ લોકોને કોરોના રસીના ડોઝ આપવામાં આવ્યા છે. (પ્રતીકાત્મક તસવીર)

ગુરૂવારે કેન્દ્રીય સ્વાસ્થ્ય મંત્રાલયે જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 45,892 નવા (Corona Positive Cases) પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 817 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 3,07,09,557 થઈ ગઈ છે. બીજી તરફ, દેશમાં કુલ 36,48,47,549 લોકોને કોરોના વેક્સીન (Corona Vaccine)ના ડોઝ આપવામાં આવ્યા છે. છેલ્લા 24 કલાકમાં કોરોના વેક્સીનના 33,81,671 ડોઝ આપવામાં આવ્યા છે.

નોંધનીય છે કે, કોવિડ-19 મહામારી (Covid-19 Pandemic) સામે લડીને 2 કરોડ 98 લાખ 43 હજાર 825 લોકો સાજા પણ થઇ ચૂક્યા છે. 24 કલાકમાં 44,291 દર્દીઓને ડિસ્ચાર્જ કરવામાં આવ્યા છે. હાલમાં 4,60,704 એક્ટિવ કેસ છે. બીજી તરફ, અત્યાર સુધીમાં કુલ 4,05,028 લોકોનાં કોરોના વાયરસના કારણે મોત થયા છે. (પ્રતીકાત્મક તસવીર)

ઈન્ડિયન કાઉન્સિલ ઓફ મેડિકલ રિસર્ચ (ICMR)એ જાહેર કરેલા આંકડાઓ મુજબ, 7 જુલાઈ, 2021 સુધીમાં ભારતમાં કુલ 42,52,25,897 કોરોના સેમ્પલનું ટેસ્ટિંગ કરવામાં આવ્યું છે. બુધવારના 24 કલાકમાં 18,93,800 સેમ્પલનું ટેસ્ટિંગ કરવામાં આવ્યું છે. (પ્રતીકાત્મક તસવીર)

ગુજરાતની વાત કરીએ તો, છેલ્લા 24 કલાકમાં કોરોનાના 65 કેસ નોંધાયા છે. રાજ્યમાં બુધવારે કોરોનાથી એક પણ દર્દીનું મૃત્યુ નથી. રાજ્યમાં 289 લોકોએ કોરોનાને મ્હાત આપી હતી. હાલ રાજ્યમાં એક્ટિવ કેસની સંખ્યા 1969 છે. જે પૈકી 10 દર્દી વેન્ટીલેટર પર છે. (પ્રતીકાત્મક તસવીર)

ગુજરાતમાં એક દિવસમાં 289 દર્દીઓ સ્વસ્થ થયા હતા. રાજ્યમાં અત્યાર સુધીમાં આરોગ્ય વિભાગના સઘન પ્રયાસોના લીધે 8,11,988 દર્દીઓએ કોરોનાને મ્હાત આપી છે. રાજ્યમાં સાજા થવાનો દર 98.54 ટકા છે. ગુજરાતમાં કોરોના સંક્રમણ કાબુમાં આવી રહ્યું છે અને રોજના કેસમાં સતત ઘટાડો થઈ રહ્યો છે. (પ્રતીકાત્મક તસવીર)

ગુજરાતમાં આજે 16 જિલ્લામાં કોરોનાનો એક પણ કેસ નોંધાયો નથી જ્યારે આજે એક પણ કોરોનાથી મૃત્યુ થયું નથી. જ્યારે સાજા થયેલા દર્દીઓની સૌથી વધુ અમદાવાદમાં 58, ગીર સોમનાથમાં 50, અમદાવાદમાં 38, ભરૂચમાં આઠ, ગાંધીનગર કોર્પોરેશનમાં 42, જૂનાગઢમાં 11, વડોદરા કોર્પોરેશનમાં 12 દર્દીઓએ કોરોનાને મ્હાત આપી હતી. (પ્રતીકાત્મક તસવીર)