COVID-19: ભારતમાં કોરોનાની બીજી લહેર? જુલાઈ બાદ એક સપ્તાહમાં 33% સુધી વધ્યા કેસ

Covid-19 in India: દેશમાં ફરી એક વાર કોરોના વાયરસ (Coronavirus) સંક્રમણના કેસ ખૂબ ઝડપથી વધવા લાગ્યા છે. તાજા આંકડાઓ પર નજર કરીએ તો ગયા વર્ષની જેમ જ આ વર્ષે પણ કોરોના (COVID-19)ના ગ્રાફે ડરાવવાનું શરૂ કરી દીધું છે. ગત એક સપ્તાહમાં જે ઝડપથી કોરોનાના કેસ વધ્યા છે તેણે ડિસેમબર બાદના તમામ આંકડાઓને પાછળ છોડી દીધા છે. આ ઉપરાંત ગત સપ્તાહની તુલનામાં આ સપ્તાહે કોરોના કેસમાં 33 ટકાનો વધારો જોવા મળી રહ્યો છે. કોરોના સંક્રમણને કારણે દર્દીઓના મોતનો આંકડો પણ વધી રહ્યો છે. વાયરસના કારણે મૃતકોની સંખ્યા 6 સપ્તાહમાં સૌથી વધુ 28 ટકા વધી છે. (Photo: ANI)

દેશમાં કુલ 2.99 કરોડથી વધુ કોરોના વેક્સીનના ડોઝ આપવામાં આવ્યા છે. બીજી તરફ, સોમવારે કેન્દ્રીય સ્વાસ્થ્ય વિભાગ દ્વારા જાહેર કરવામાં આવેલા આંકડાઓ મુજબ, છેલ્લા 24 કલાકમાં દેશમાં 26,291 નવા (Corona Positive Cases) પોઝિટિવ કેસો નોંધાયા છે. આ ઉપરાંત કોવિડ-19 (COVID-19)ના કારણે 118 દર્દીઓએ પોતાના જીવ ગુમાવ્યા છે. દેશમાં હવે કુલ સંક્રમિતોની સંખ્યા વધીને 1,13,85,339 થઈ ગઈ છે.

આ ઉપરાંત, કોવિડ-19 (Covid-19)ની મહામારી સામે લડીને 1 કરોડ 10 લાખ 7 હજાર 352 લોકો સાજા પણ થઇ ચૂક્યા છે. 24 કલાકમાં 17,455 દર્દીઓને ડિસ્ચાર્જ કરવામાં આવ્યા છે. હાલમાં 2,19,262 એક્ટિવ કેસો છે. બીજી તરફ, અત્યાર સુધીમાં કુલ 1,58,725 લોકોનાં કોરોના વાયરસના કારણે મોત થયા છે.

વિશેષમાં, ઈન્ડિયન કાઉન્સિલ ઓફ મેડિકલ રિસર્ચ (ICMR)એ સોમવારે જાહેર કરેલા આંકડાઓ મુજબ, 14 માર્ચ સુધીમાં ભારતમાં કુલ 22,74,07,413 કોરોના સેમ્પલનું ટેસ્ટિંગ કરવામાં આવ્યંર છે. નોંધનીય છે કે, રવિવારના 24 કલાકમાં 7,03,772 સેમ્પલનું ટેસ્ટિંગ કરવામાં આવ્યું છે. (પ્રતીકાત્મક તસવીર)

ગુજરાતની વાત કરીએ તો, રાજ્યમાં 24 કલાકમાં કોરોના વાયરસના (Coronavirus) નવા 810 કેસ નોંધાયા છે. જેની સામે 586 દર્દીઓ સાજા થયા છે. છેલ્લા 24 કલાકમાં રાજ્યમાં કોવિડ-19 (Covid19)ના કારણે 2 દર્દીના મોત થયા છે. રાજ્યમાં કુલ મૃત્યુઆંક 4424 થયો છે. રાજ્યમાં સાજા થવાનો દર 96.82 ટકા છે. અત્યાર સુધીમાં 19,77,802 વ્યક્તિઓને કોરોના વેક્સીનનો (Corona Vaccine) પ્રથમ ડોઝ અને 5,00,635 વ્યક્તિઓને કોરોના વેક્સીનનો બીજો ડોઝ આપવામાં આવ્યો છે. (પ્રતીકાત્મક તસવીર)

ગુજરાતના આરોગ્ય વિભાગે આપેલી વિગતો પ્રમાણે રાજ્યમાં નવા નોંધાયેલા કેસમાં અમદાવાદમાં 165, સુરતમાં 241, વડોદરામાં 117, રાજકોટમાં 70, ભાવનગરમાં 29, મહેસાણામાં 18, ખેડા, પંચમહાલમાં 17-17, આણંદ, ગાંધીનગરમાં 16, મોરબીમાં 13-13, દાહોદ, પાટણમાં 10-10 સહિત કુલ 810 કેસ નોંધાયા છે. આજે બોટાદ, ડાંગ, જામનગર અને પોરબંદર એમ 4 જિલ્લામાં કોરોનાનો એકપણ કેસ નોંધાયો નથી. (પ્રતીકાત્મક તસવીર)

ગુજરાતમાં 24 કલાકમાં કોરોનાના કારણે બે દર્દીના મોત થયા છે. એક મોત અમદાવાદ અને એક ખેડામાં થયું છે. બીજી તરફ અમદાવાદમાં 153, સુરતમાં 142, વડોદરામાં 81, રાજકોટમાં 73, કચ્છ, આણંદમાં 26-26, ગીર સોમનાથમાં 12 સહિત કુલ 586 દર્દીઓએ કોરોના વાયરસને મ્હાત આપી છે. (પ્રતીકાત્મક તસવીર)

ગુજરાતમાં અત્યારે કુલ 4422 દર્દીઓ એક્ટિવ પેશન્ટ તરીકે દાખલ છે, જેમાં 54 દર્દીઓ વેન્ટીલેટર પર છે. રાજ્યમાં 4368 દર્દીઓ સ્ટેબલ છે. રાજ્યમાં અત્યાર સુધીમાં 2,69,361 દર્દીઓને ડિસ્ચાર્જ કરવામાં આવ્યા છે. (પ્રતીકાત્મક તસવીર)