PHOTOS: ચિલીમાં દાવાનળ; 14 હજાર હેક્ટર જંગલ બળીને ખાક થયું, 24 લોકોના મોત

આ ભીષણ આગના કારણે 14 હજાર હેકટર જંગલ બળીને ખાક થયું છે. આ વિનાશકારી આગના કારણે ચિલીમાં તબાહી મચાવી દીધી છે. આગના આ ઘટનાના કારણે કેટલાય મકાનો બળી ગયા છે.

તો વળી હજારો એકર જંગલોને પણ નુકસાન પહોંચ્યું છે. આગના કારણે હજારો લોકોને આશ્રય સ્થાનોમાં મોકલવામાં આવ્યા છે.ઢગલાબંધ જંગલોમાં લાગેલી આગના કારણે ચિલી સરકારે પાડોશી દેશોની મદદ માગી છે.

દિવસેને દિવસે હાલત ખરાબ થતી જાય છે. ચિલી સરકારે કહ્યું કે, તે બ્રાઝિલ, અર્જેંટિના અને ઉરુગ્વે પાસેથી સમર્થન માગી રહ્યા છે.

ચિલીના ગૃહમંત્રી કૈરોલિના ટોહાએ કહ્યું કે, તપતી ગરમીના કારણે આગ પર કાબૂ મેળવવી ખૂબ જ અધરુ છે. અમે આંતરરાષ્ટ્રીય મદદ માગી છે. તો વળી રાષ્ટ્રીય વાનિકી એજન્સીએ શનિવારે જણાવ્યું કે, કુલ 231 જંગલોમાં આગ લાગી હતી. તેમાંથી 151 પર કાબૂ મેળવો લીધો છએ. જ્યારે 80 પર સક્રિય રીતે કાબૂ મેળવવાનું કામ ચાલી રહ્યું છે.

એવું લાગી રહ્યું છે કે, દક્ષિણ અમેરિકી દેશ જાણે આગની જ્વાળામાં ઘેરાયેલું છે. બાયોબિયો અને નુબલમાં દરેક જગ્યા પર તબાહી જોવા મળી રહી છે.

બંને ક્ષેત્રોની સંયુક્ત વસ્તી લગભગ 20 લાખ છે. બાયોબો રાજધાની સેન્ટીયાગોથી લગભગ 560 કિમી દૂર દક્ષિણમાં આવેલ છે.

હાલના દિવસોમાં બચાવ કાર્યમાં લાગેલા એક હેલીકોપ્ટરે અરોકાના વિસ્તારમાં દુર્ઘટનાગ્રસ્ત થઈ ગયું હતું. જેનાથી વિમાનના પાયલટ, બોલોવિયાનો એક નાગરિક અને એક મિકેનિકનું મોત થઈ ગયું હતું, જે ચિલીનો નાગરિક હતો.