CDS Bipin Rawat and Madhulika Rawat: CDS જનરલ બિપિન રાવત હતા મધ્ય પ્રદેશના જમાઈ, જુઓ લગ્નના Unseen Photos

આ CDS જનરલ બિપિન રાવત (cds general bipin rawat )અને તેમના પત્ની મધુલિકા રાવતના (madhulika rawat)લગ્નની તસવીર છે. તેમના લગ્ન 14 એપ્રિલ 1986ના અશોક રોડ, દિલ્હીમાં થયા હતા. મધુલિકાના પિતા મૃગેન્દ્ર સિંહ કોતમા અને સોહાગપુર ગઢીના વિસ્તારના કોંગ્રેસના ધારાસભ્ય હતા. તે સમયે બિપિન રાવત કેપ્ટન હતા.

બિપિન રાવત ફૌજી પરિવારથી હતા. તેમના પિતા લક્ષ્મણ સિંહ રાવત લેફ્ટનન્ટ જનરલ હતા. મધુલિકા રાવતના પિતા મૃગેન્દ્ર સિંહનું નિધન થઈ ચૂક્યું છે. તેમના માતા શહડોલમાં રહે છે. દીકરી અને જમાઈ નિધનના સમાચાર સાંભળીને દિલ્હી પહોંચ્યા છે. પરિવારમાં મધુલિકાના બે ભાઈ યશવર્ધન અને હર્ષવર્ધન છે.

આ મધુલિકા રાવતનો જૂનો ફોટો છે જ્યારે તેઓ શહડોલમાં પોતાના મામાના ઘરે આવ્યા હતા.

મધુલિકા રાવતે ત્રીજા સુધી શહડોલમાં અભ્યાસ કર્યા બાદ ગ્વાલિયરની પ્રખ્યાત સિંધિયા કન્યા વિદ્યાલયમાંથી શાળાનો અભ્યાસ પૂર્ણ કર્યો. ત્યારબાદ તેઓ કોલેજના શિક્ષણ માટે દિલ્હી ગયા હતા. ગ્વાલિયરમાં તેમની સાથે ભણેલા મિત્રો જૂની યાદો સાચવી બેઠાં છે.

વર્ષ 2018માં જનરલ બિપિન રાવત સાથે મધુલિકા રાવત ગ્વાલિયરની સિંધિયા ગર્લ્સ સ્કૂલમાં આવ્યા હતા. ડો. રોઝાએ જણાવ્યું કે મધુલિકા સાથે તે તેમની છેલ્લી મુલાકાત હતી. ડો. રોઝાના કહેવા પ્રમાણે, મધુલિકાએ મિત્રોનું એક વોટ્સએપ ગ્રુપ બનાવ્યું હતું, જેના પર તેઓ મેસેજ દ્વારા વાત કરતા હતા. ફેબ્રુઆરીમાં તેમના તમામ ક્લાસમેટ્સે પ્રવાસનું આયોજન કર્યું હતું. મધુલિકાએ ફેબ્રુઆરીમાં ગ્વાલિયર આવવાનું વચન આપ્યું હતું. પરંતુ હવે આ વચન ક્યારેય પૂરું નહીં થાય.

CDS બિપિન રાવત અને મધુલિકાના અકસ્માતના સમાચાર સાંભળતા જ ગ્વાલિયરમાં શોક વ્યાપી ગયો છે. મધુલિકાના સહાધ્યાયી ડો. રોઝા ઓલિયાઈએ 1981માં શાળા સમયની ઘણી વાર્તાઓ શેર કરી હતી. રોઝાએ જણાવ્યું કે મધુલિકાએ ફેબ્રુઆરીમાં પોતાના ગ્રુપને મળવા માટે ગ્વાલિયર આવવાનું વચન આપ્યું હતું.

રોઝા કહે છે કે મધુલિકા એક અદભુત ટેબલ ટેનિસ પ્લેયર હતી. રોઝા અને મધુલિકાની જોડીએ ડબલ્સમાં ખિતાબ પણ જીત્યો હતો. રોઝાના કહેવા પ્રમાણે, મધુલિકા હેલ્પિંગ નેચરની મિત્ર હતી. મધુલિકા સાથેની મિત્રતા એ જ ઉષ્મા સાથે યથાવત રહી.