PHOTOS: હાઈવે પર મોડીરાત્રે કારમાં લાગી આગ, 35 વર્ષીય ડૉક્ટર જીવતા ભડથું
ડૉક્ટરના પરિવારે હત્યાની આશંકા વ્યક્ત કરી, હત્યારાએ મારીને કારને આગ ચાંપી હોવાની કરી રજૂઆત
ગુરુગ્રામઃ દેશની રાજધાની દિલ્હી (Delhi)ની પાસે આવેલા ગુરુગ્રામ (Gurugram)માં મંગળવાર મોડી રાત્રે એક દર્દનાક દુર્ઘટના (Accident)માં એક ડૉક્ટરનું કરૂણ મોત થઈ ગયું છે. મૂળે ગુરુગ્રામ – સોહના પર પર ઊભેલા એક કારમાં અચાનક આગ લાગી ગઈ. જેના કારણે કારમાં સવાર 35 વર્ષીય ડૉક્ટર કંવરપાલ ઉર્ફે સોનૂનું કરૂણ મોત (Doctor burnt alive in car) થઈ ગયું. પરંતુ કારમાં આગ અચાનક જ લાગી કે કોઈએ ડૉક્ટરની હત્યા કરીને કારને આગ ચાંપી દીધી તે મામલે પોલીસ તપાસ કરી રહી છે. (Photo: News18)
સિલેરિયો કારમાં મંગળવાર મોડી રાત્રે આગ લાગી ગઈ હતી અને મામલાનો ખુલાસો બુધવાર સવારે ત્યારે થયો જ્યારે ત્યાંથી પસાર થઈ રહેલા લોકોએ તેના વિશે પોલીસને જાણ કરી. 35 વર્ષીય કંવરપાલ ઉર્ફે સોનૂ ભોંડસી પોલીસ સ્ટેશનની હદના ઘામડોઝના રહેવાસી હતા. મૃતક ડૉક્ટરના પરિજનોએ હત્યાની આશંકા વ્યક્ત કરી છે. (Photo: News18)
પરિવારના સભ્યોનું કહેવું છે કે કાર રસ્તાની બાજુમાં પાર્ક હતી. જેથી સ્પષ્ટ થાય છે કે કોઈએ સોનૂની હત્યા કરી દીધી હશે અને પુરાવાઓનો નાશ કરવા અને તપાસને આડે રસ્તે લઈ જવા કારને આગ ચાંપી દીધી હશે. આ મામલે પોલીસનું કહેવું છે કે પોસ્ટમોર્ટમનો રિપોર્ટ આવતાં મોતનું સાચું કારણ જાણી શકાશે. ઘટનાસ્થળેથી ફોરેન્સિકની ટીમે પુરાવાઓ એકત્ર કર્યા છે. આસપાસના સીસીટીવી ફુટેજના આધારે પણ તપાસ હાથ ધરવામાં આવી રહી છે. (Photo: News18)