ફ્લાઈટમાં બેસી શક્યો ન હતો, તો ખેતરમાં બનાવી દીધુ ‘હવાઈ જહાજ’ વાળું ઘર; હવે જોવા માટે ઉમટી ભીડ

ન્યૂઝ એજન્સી AFPના જણાવ્યા પ્રમાણે કંસ્ટ્રક્શન વર્કર ચાર્ચ પાયુ કંબોડિયાના સિએમ રીપ શહેરના રહેવાસી છે. ચાર્ચને પોતાના ઘરને વિમાનની જેમ બનાવવામાં 20,000 ડોલરનો ખર્ચ થયો છે. આ ઘર બનાવવા માટે ચાર્ચે પોતાની તમામ મુડી વાપરી દીધી છે. પોતાની તમામ બચતનો તેમની આ ઘર બનાવવામાં ઉપયોગ કરી લીધો છે.

ત્રણ બાળકોના 43 વર્ષના પિતાએ કહ્યું કે, આ ઘર બનાવવા માટે મને એક વર્ષનો સમય લાગ્યો છે. 30 વર્ષથી તે આવું ઘર બનાવવા માટે બચત કરી રહ્યા હતા. પાયુએ કહ્યું કે, ‘આ મારૂ નાનપણથી સપનું હતું, તેથી હું ખુશ છું કે, હું મારા લક્ષ્યને હાંસલ કરી શક્યો છું’

ચાર્ચ પાયુ કહે છે કે, ‘અમે અહીં રહી શકીએ છીએ, અહીં સુઈ શકીએ છીએ, અહીં બાથરૂપનો ઉપયોગ પણ કરી શકીએ છીએ અને ફ્લાઈટની જેમ ખાવા પણ ખાઈ શકીએ છીએ. આ મારૂ સપનું હતું, હું ખુબ જ ખુશ છું’ તેમણે જાતે જ તેને તૈયાર કર્યું છે. આ સાથે સાથે તેમણે એ પણ જણાવ્યું કે, તેને બનાવવામાં તેમને કેટલો ખર્ચ થયો છે.

ઘર બનાવાને લઈને ચાર્ચ પાયુ કહે છે કે, ઇન્ટરનેટ પર પ્રાઈવેટ જેટના અસંખ્ય વીડિયો જોઈને આ ઘરને બનાવ્યું છે. તે પોતાના ઘરમાં લોકોને આવવા પણ છે અને સેલ્ફી પણ લેવા દે છે. પરંતુ તેના માટે તે લોકો પાસેથી પૈસા છે.

તેમણે જણાવ્યું કે, તે લોકો પાસેથી તેમના ઘરમાં આવીને સેલ્ફી લેવા માટે 50 સેન્ટથી 1 ડોલર સુધી ચાર્જ કરે છે. 28 વર્ષીય કિમ મૂયન પોતાના પરિવાર સાથે હવાઈ જહાજ વાળા ઘરને જોવા માટે ગયા હતા. તેમણે કહ્યું કે, ‘ આ સુંદર અને આકર્ષક છે, તેના પાસે ખજૂરના ઝાડ પણ છે’ પરંતુ ચાર્ચ પાઉનું સપનું હકીકતમાં ઉડવાનું છે. તેમણે કહ્યુ કે, ‘જ્યારે મારી પાસે પૈસા હશે અને ખબર પડશે કે મારે ક્યાં જવું છે, ત્યારે હું ત્યાં જવા માટે પ્લેન લઈશ.’