આ તાજમહેલ નહીં ઘર છે, પતિએ પત્નીને આપી ભેટ, આવી છે અધ્યતન સુવિધા, જુઓ Exclusive PHOTOS

Burhanpur Unique Taj Mahal Like House: બુરહાનપુરના શિક્ષાવિદ આનંદ પ્રકાશ ચોક્સેએ તાજમહેલ જેવું ઘર બનાવીને (Anand Prakash Chouksey Burhanpur House)પત્ની મંજુષાને ગિફ્ટ કર્યું છે. ઘરમાં 4 બેડરૂમ, 1 કિચન, એક લાઇબ્રેરી અને એક મેડિટેશન રૂમ છે. ઘર બનાવવામાં ત્રણ વર્ષનો સમય લાગ્યો છે. આ તાજમહેલ ઘરનું ક્ષેત્રફળ મીનાર સહિત 90x90 છે. ઘરની ફ્લોરિંગ રાજસ્થાનના મકરાના અને ફર્નીચર સુરત-મુંબઈના કારીગરોએ તૈયાર કર્યું છે. (Report: Shariq Akhtar Durrani)

મધ્ય પ્રદેશના બુરહાનપુરના શિક્ષાવિદ આનંદ પ્રકાશ ચોક્સેએ પોતાનું ઘર આબેહુબ આગ્રામાં રહેલા પ્રેમની નિશાની તાજમહેલ (Taj Mahal)જેવું બનાવ્યું છે. આ તાજમહેલ જેવા 4 બેડરૂમવાળા ઘરને આનંદે પોતાની પત્ની મંજૂષા ચોક્સેને ભેટમાં આપ્યું છે.

બતાવવામાં આવી રહ્યું છે કે તાજમહેલ બુરહાનપુરથી પસાર થતી તાપ્તી નદીના કિનારે બનવાનો હતો પણ ઘણા કારણોથી તાજમહેલ બુરહાનપુરના સ્થાને આગ્રામાં બન્યો છે. આનંદ ચોક્સેને બુરહાનપુરમાં તાજમહેલ ના હોવાનો રંજ હતો. જેથી જ્યારે તક મળી તો તેણે પોતાની પત્નીને તાજમહેલની જેમ જ યાદગાર ગિફ્ટ આપવાનો નિર્ણય કર્યો હતો.

તાજમહેલ જેવા ઘરનું નિર્માણ કરવામાં ઘણી મુશ્કેલી આવી હતી. જોકે આનંદ ચોક્સેના અતુટ વિશ્વાસના કારણે ટેકનિક ટીમે તાજમહેલ જેવું મકાન બનાવવામાં સફળતા મેળવી હતી. તાજમહેલ જેવું ઘર બનાવનાર કંસલટિંગ એન્જીનિયર પ્રવિણ ચોક્સેએ જાણકારી આપતા કહ્યું કે આનંદ ચોક્સેએ તેમને તાજમહેલ જેવું મકાન બનાવવાનો મુશ્કેલ ટાસ્ક આપ્યો હતો.

પ્રવીણ ચોક્સેના મતે આ તાજમહેલ જેવું ઘરનું ક્ષેત્રફળ મીનાર સહિત 90X90 નું છે. બેઝિક સ્ટ્રક્ચર 60X60 નું છે. ડોમ 29 ફૂટ ઉંચો રાખવામાં આવ્યો છે. તાજમહેલ જેવા ઘરમાં એક મોટો હોલ, 2 બેડરૂમ નીચે, 2 બેડરૂમ ઉપર છે. એક કિચન, એક લાઇબ્રેરી અને એક મેડિટેશન રૂમ બનાવવામાં આવ્યો છે.

ઘરની અંદર કરેલ નકશી કામ માટે બંગાળ અને ઇન્દોરના કલાકરાની મદદ લેવામાં આવી છે. ઘરની ફ્લોરિંગ રાજસ્થાનના મકરાનાના કારીગરોથી કરાવવામાં આવી છે.

ઘરમાં ફર્નિચરનું કામ સુરત અને મુંબઈના કારીગરોએ તૈયાર કર્યું છે. આ ઘરને ઇન્ડિયન કંસ્ટ્રક્ટિંગ અલ્ટ્રાટેક આઉટ સ્ટેન્ડિંગ સ્ટ્રક્ચર ઓફ એમપીનો એવોર્ડ મળી ચૂક્યો છે.