નાઇટ ક્લબમાં એવું તો શું થયું કે મહિલા સૈનિકે સાથી સૈનિક પર હુમલો કરી દીધો?

લંડન : સ્પેનના મજોરકા (Majorca) ટાપુ ખાતે 19 વર્ષીયની એક બ્રિટિશ મહિલા સૈનિકે તેની સાથી મહિલા સૈનિક પર કાચથી હુમલો કરી દીધો હતો. બંને ઓફ ડ્યૂટી પર અહીં રજા માણી રહી હતી. ગળા પર કાચથી કરવામાં આવેલા હુમલા બાદ મહિલા સૈનિક હાલ ICUમાં સારવાર હેઠળ છે. પોલીસના જણાવ્યા પ્રમાણે આરોપી અને પીડિત બંને મિત્રો છે. (તસવીર સરાહ ગરીટી અને સિડની કોલ)

મેગલુફ (Magalu) ખાતે આવેલા Punta Ballena વિસ્તારની પ્રસિદ્ધ બનાનાસ ડી મેગલુફ નાઇટક્લબ ખાતે આ બનાવ બન્યો હતો. હુમલા બાદ 19 વર્ષની સિડની કોલની સ્પેનની પોલીસે ધરપકડ કરી લીધી હતી. (તસવીર : સરાહ ગરીટી, સિડની કોલ)

સિડની કોલ પર આરોપ છે કે તેણીએ તૂટેલા કાચ વડે 22 વર્ષીય સરાહ ગરીટી પર હુમલો કરી દીધો હતો. (તસવીર: સિડની કોલ)

મળતી માહિતી પ્રમાણે આ બનાવ રાત્રે એક વાગ્યે બન્યો હતો. હાલ પોલીસ એ તપાસ કરી રહી છે કે આખરે નાઇટ ક્લબમાં રાત્રે શું થયું હતું?

ડોક્ટરો જ્યારે નાઇટક્લબ ખાતે પહોંચ્યા ત્યારે સહાર ગેરીટી ખૂબ જ ગંભીર હાલતમાં પડી હતી, તેમજ તેના શરીરમાંથી ખૂબ લોહી વહી રહ્યું હતું. (તસવીર : સિડની કોલ, સરાહ ગરીટી)

પોલીસે સિડની કોલ અને સરાહ ગરીટી બંને ખાસ બહેનપણીઓ હોવાનું જણાવ્યું છે. જોકે, હજુ સુધી એ સ્પષ્ટ નથી થયું કે કોલે તૂટેલા કાચથી સરાહ પર હુમલો કર્યો હતો કે પછી તેના પર કાચ ફેંકવામાં આવ્યો હતો. સૂત્રોએ જણાવ્યું હતું કે કોલે ફેંકેલા કાચથી સરાહના ગળા પર ઈજા પહોંચી હતી. (તસવીર : બનાવ બન્યો હતો તે નાઇટ ક્લબ)

બ્રિનના આર્મીના પ્રવક્તાએ એવી માહિતી આપી હતી કે, 'સ્પેનમાં ઓફ ડ્યૂટી પર રહેલી એક મહિલા સૈનિકે બીજી પર હુમલો કરી દીધાનો બનાવ અમારા ધ્યાનમાં આવ્યો છે. આ અંગે સ્પેનની સ્થાનિક પોલીસ તપાસ કરી રહી છે.' (સિડની કોલ - વચ્ચે)