સેવા દિવસ તરીકે ઉજવાશે PM મોદીનો 70મો જન્મદિવસ, BJP માસ્ક વહેંચશે, બ્લડ ડોનેશન કેમ્પનું થશે આયોજન

પાયલ મહેતા, નવી દિલ્હીઃ 17 સપ્ટેમ્બરે વડાપ્રધાન નરેન્દ્ર મોદી (Prime Minister Narendra Modi's birthday)નો જન્મદિવસ છે. આ વર્ષે PM મોદી 70 વર્ષના થઈ જશે જેથી બીજેપી (BJP) આ પ્રસંગને યાદગાર બનાવવા માંગે છે. આ વખતે પણ તેમના જન્મદિવસને સેવા દિવસ તરીકે ઉજવવામાં આવશે. કોરોના વાયરસ (Coronavirus)ના વધતા સંક્રમણને કારણે તેમના જન્મદિવસને સાદગીથી ઉજવવાની તૈયારી ચાલી રહી છે. (ફાઇલ તસવીર)

એવામાં કોઈ એવા કાર્યક્રમનું આયોજન નહીં કરવામાં આવે જેના કારણે વધુ ભીડ એકત્ર થાય. વડાપ્રધાનના જન્મદિવસે માસ્ક, સેનિટાઇઝર અને દવાઓનું વિતરણ કરવાની તૈયારીઓ ચાલી રહી છે. આ ઉપરાંત બ્લડ ડોનેશન કેમ્પનું પણ આયોજન થશે. (ફાઇલ તસવીર)

70મો જન્મદિવસ, 70 કાર્યક્રમ- થોડા દિવસો પહેલા પીએમ મોદીના જન્મદિવસને ઉજવવાને લઈ બીજેપી અધ્યક્ષ જે. પી. નડ્ડા અને મહાસચિવોની વચ્ચે એક બેઠક મળી હતી. આ દરમિયાન નિર્ણય લેવામાં આવ્યો કે 70મા જન્મદિવસે 70 કાર્યક્રમોનું આયોજન કરવામાં આવશે. આ કાર્યક્રમ બૂથ અને મંડળ સ્તરે આયોજિત કરવામાં આવશે. (ફાઇલ તસવીર)

આ ઉપરાંત બીજેપી લોકોને મોદી સરકાર તરફથી છેલ્લા એક વર્ષ દરમિયાન કરવામાં આવેલા કાર્યો વિશે જાણકારી આપશે. કોરોના વાયરસ પર કાબૂ મેળવવા માટે સરકાર તરફથી ભરવામાં આવેલા પગલાં અને આત્મનિર્ભર ભારત જેવા પીએમ મોદીના વિઝન વિશે પણ લોકોને જણાવવામાં આવશે. (ફાઇલ તસવીર)

સોશિયલ ડિસ્ટન્સિંગનું પાલન - કહેવામાં આવી રહ્યું છે કે, પોતાના કેડરને કડક આદેશ પણ આપશે કે જન્મદિવસ ઉજવવા દરમિયાન કોઈ પણ સ્થિતિમાં કોરોનાના પ્રોટોકોલનું ઉલ્લંઘન ન થાય. એટલે કે સોશિયલ ડિસ્ટન્સિંગનું કોઈ પણ સ્થિતિમાં પાલન કરવામાં આવશે. (ફાઇલ તસવીર)

નોંધનીય છે કે, ગયા વર્ષે વડાપ્રધાનના જન્મદિવસની ઉજવણી એક સપ્તાહ સુધી ચાલી હતી. 14થી 20 સપ્ટેમ્બર સુધી એક સપ્તાહ સેવા શપથ તરીકે ઉજવણી કરવામાં આવી હતી. (ફાઇલ તસવીર)

ગાંધી જયંતી પણ ઉજવવાની તૈયારી - બીજેપી 25 સપ્ટેમ્બરે દીનદયાળ ઉપાધ્યાયનો જન્મદિવસ અને 2 ઓક્ટોબરે મહાત્મા ગાંધીની જયંતી ઉજવવાની તૈયારી રહી રહી છે. આ દરમિયાન પણ એવા કાર્યક્રમોનું આયોજન કરવામાં આવશે જેથી કોરોનાના પ્રોટોકોલનું ઉલ્લંઘન ન થાય. તેને લઈને ટૂંક સમયમાં જે.પી. નડ્ડાની અધ્યક્ષતામાં વધુ એક બેઠક મળશે. (પ્રતીકાત્મક તસવીર)