તાવથી ત્રસ્ત બાંગ્લાદેશી યુવક તરીને પહોંચ્યો અસમ, કહ્યું - મને કોરોના છે, પ્લીઝ સારવાર કરો

દુનિયાભરના લોકો કોરોના વાયરસ (Coronavirus) પ્રકોપ સામે અત્યારે લડી રહ્યા છે. અનેક શક્તિશાળી દેશોએ કોરોના સામે પાંગળા અનુભવી રહ્યા છે. આ સંકટના સમયે ભારત પણ અન્ય દેશોની જેમ કોરોના સાથે જંગ લડી રહ્યા છે. આ કારણે જ તાવથી ત્રસ્ત થયેલો એક બાંગ્લાદેશી (Bangladesh) યુવકે કુશિયારા નદીમાં તરીને અસમની સીમામાં દાખલ થયો. અહીં પહોંચીને તેણે કરીમપુર જિલ્લાના મુબારકપૂરના ગ્રામીણોને જણાવ્યું કે તેને કોરોના છે. અને તેની સારવાર માટે તેને મદદની જરૂર છે.

ચોક્કસથી આ વાત સાંભળીને ગ્રામીણોના પગ નીચેથી જમીન નીકળી ગઇ. પણ તેમણે બીએસએફના જવાનોને બોલાવ્યા. અને આ યુવકની હાલ ધરપકડ કરવામાં આવી છે. પાછળથી યુવાનને બાંગ્લાદેશી સેનાને સુપરત કરવામાં આવ્યો.

આ યુવકની ઓળખ અબ્દુલ હકના રૂપે કરવામાં આવી છે. અબ્દુલ બાંગલાદેશના સુનામગંજ જિલ્લાનો રહેવાસી છે. જ્યાંથી કરીમગંજના મુબારકપુર વિસ્તાર ખાલી ચાર કિલોમીટરના અંતરે છે. બીએસએફના પ્રવક્તા અને ડીઆઇજી જેસી નાયકે જણાવ્યું કે યુવક કુશિયારા નદી પાર કરીને રવિવારે સવારે 7:30 વાગે ભારતીય સીમામાં દાખલ થયો. ગામ વાળાએ તેનો જોતા જ તેને રોક્યો. વાતચીતમાં ખબર પડી કે તે બાંગ્લાદેશી નાગરિક છે.

તે પછી ગ્રામીણોએ સેનાને સૂચના આપી. નાયક જણાવ્યું કે તપાસમાં સામે આવ્યું કે તેને કોરોના છે અને તે સારવાર માટે ભારત આવ્યો હતો. સેનાએ તે વાત સ્પષ્ટ નથી કરી કે આ યુવકને ખરેખરમાં કોરોના છે કે પછી કે નહીં. જો કે આ પછી સેનાએ બાંગ્લાદેશી સેનાને આ અંગે જાણકારી આપી તેમને તેમનો નાગરિક સુપર કર્યો.

ડીઆઇજી નાયકે કહ્યું કે કુશિયારા નદીમાં વરસાદના સમયને બાદ કરતા પાણીનું સ્તર ખૂબ જ નીચું હોય છે. અને કોઇ પણ જેને તરતા આવડતું હોય તે નદીને સરળતાથી પાર કરીને આસામમાં આવી શકે છે. નાયકે કહ્યું કે આ યુવક જ્યાંથી આવ્યો હતો ત્યાં ફેસિંગ પણ નહતી. જેથી યુવક સરળતાથી ભારતની બોર્ડરમાં પ્રવેશ કરી શક્યો.