અયોધ્યા: રામ જન્મભૂમિપથ માટે હજારો વર્ષ જૂના મઠ અને મંદિરો ધરાશાયી, 700 દુકાનો હટાવાશે

અયોધ્યા: રામ પથ નિર્માણમાં હજારો વર્ષ જૂની ઈમારતો ધરાશાયી કરી દેવામાં આવી રહી છે. અયોધ્યામાં નવા ઘાટથી સહઆદતગંજ સુધી 13 કિમીના મુખ્યમાર્ગથી ફોરલેન પ્લાન અંતર્ગત આ યોજના પર કામ થઈ રહ્યું છે. તેને લઈને મુખ્યમંત્રી યોગી આદિત્યનાથના નિર્દેશ બાદ દુકાનો તથા ભવનો હટાવાનું કામ ખૂબ જ ઝડપથી આગળ વધી રહ્યું છે. આ જ ક્રમમાં અયોધ્યાના નવા ઘાટમાં છેલ્લા 2 દિવસથી જૂની અને ઊંચી બિલ્ડીંગ ધરાશાયી કરવાનું કામ ચાલી રહ્યું છે. બિલ્ડીંગ હજારો વર્ષ જૂની છે, જે હવે ઈતિહાસના પન્નામાં દબાઈને રહી જશે.

અયોધ્યા પ્રાચીન નગરી રહી છે, અહીંના ભવનો સેંકડો વર્ષ જૂના છે. પણ રામ મંદિર નિર્માણ અને ક્ષદ્ધાળુની વધતી સંખ્યાને લઈને રાજ્ય સરકારે રોડ પહોળા કરવાની યોજના બનાવી છે. તેમાં હનુમાનમઢીથી રામ જન્મ ભૂમિ ભક્ત પથ, સુગ્રીમ કિલાથી રામ જન્મભૂમિ પથ અને નવા ઘાટથી સહાદતગંજ સુધીનો માર્ગ રામપથ તરીકે બની રહ્યો છે. આ યોજનામાં મોટી સંખ્યામાં પ્રાચીન ઈમારતોને પ્રભાવિત કરવામાં આવી રહી છે.

અયોધ્યાના ડઝનેકથી વધારે એવા મંદિર છે, જે મુખ્ય માર્ગથી અડીને આવેલા છે. તેને તોડવાની કામગીરી થઈ રહી છે, જેનો ઈતિહાસ પણ હવે ખતમ થઈ જશે, તો વળી 700થી વધારે દુકાનો પણ તોડવાની કામગીરી થઈ રહી છે. હવે આ ઈમારતોને ફરી જીર્ણોદ્દધાર કરવાની યોજના પણ અયોધ્યા વિકાસ પ્રાધિકરણ દ્વારા બનાવામાં આવી રહી છે.

અયોધ્યા વિકાસ પ્રાધિકરણના ઉપાધ્યાક્ષનું માનીએ તો, અયોધ્યામાં ધામના મુખ્ય ત્રણ રોડને વિકસીત કરવામાં આશે. તે અંતર્ગત યાત્રી સુવિધાઓ સાથે આ માર્ગો પર પડનારા જૂના ભવનોને પણ રંગરોગાન અને તેમને એક સ્વરુપમાં આપવામાં આવતી યોદના પર કામ થઈ રહ્યું છે.