આવો છે BJP નેતાના પુત્ર પુલકિત આર્યનો લક્ઝરી રિસોર્ટ, જ્યાં રિસેપ્શનિસ્ટ તરીકે કામ કરતી હતી અંકિતા ભંડારી

ઉત્તરાખંડના પૌડી ગઢવાલ જિલ્લાના યમકેશ્વરના એક રિસોર્ટમાંથી ગુમ થયેલી અંકિતા ભંડારીનું શબ મળી ગયું છે. એસડીઆરએફ અને પોલીસની ટીમે સર્ચિગ દરમિયાન ચિલ્લા પાવર હાઉસમાંથી એક યુવતીનું શબ જપ્ત કરીને તેને જિલ્લા પોલીસને સુપરત કર્યું છે. ઓળખ માટે અંકિતા ભંડારીના પરિવારના સભ્યોને જાળ કરવામાં આવી છે. પરિવારના સભ્યોએ શબની ઓળખ પણ કરી લીધી છે. પોલીસે શબને પોસ્ટમોર્ટમ માટે ઋષિકેશ એમ્સમાં રીફર કર્યું છે.

પોલીસે શુક્રવારે આ મામલામાં 3 આરોપીઓની ધરપકડ કરી છે. મામલાનો ખુલાસો રિસોર્ટના માલિક પુલકિત આર્ય, મેનેજર ભાસ્કર અને આસિસ્ટન્ટ મેનેજર અંકિતા ગુપ્તાની કરવામાં આવેલી પૂછપરછના આધારે કરવામાં આવ્યો છે. પુલકિત હરિદ્વારના BJPના નેતા વિનોદ આર્યનો પુત્ર છે. વિનોદ આર્ય ઉત્તરાખંડની બીજેપી સરકારમાં રાજ્યમંત્રી પણ રહી ચુક્યા છે.

ઋષિકેશ-ચિલ્લા મોટર માર્ગ પર ગંગા ભોગપુર ક્ષેત્રમાં પુલકિત આર્યનું એક રિસોર્ટ છે. આ જ રિસોર્ટમાં અંકિત ભંડારી રિસેપ્શનીસ્ટ તરીકે કામ કરતી હતી.

19 વર્ષીય અંકિતા શ્રીકોટા ગામની રહેવાસી હતી. તે 18 સપ્ટેમ્બરથી ગુમ હતી. તેને ફોન ન લાગતા તેના માતા-પિતાએ મેનેજમેન્ટ પાસેથી માહિતી લીધી હતી. તેમણે છોકરીના પરિવારના સભ્યોને ગેરમાર્ગે દોર્યા હતા.

અંકિતા ન મળતા તેના માતા-પિતાએ રાજસ્વ પોલીસ ચોકીમાં ફરિયાદ કરી હતી. પછી સોશિયલ મીડિયામાં અંકિતાને લઈને કેમ્પેન શરૂ થયું તો પોલીસ અને સરકાર દબાણમાં આવી. મામલાની ગંભીરતાને જોતા આ ફરિયાદને લક્ષ્મણઝૂલા રેગ્યુલર પોલીસ સ્ટેશનને સોંપવામાં આવી હતી.

પોલીસે આ મામલામાં સક્રિયતા દાખવીને 24 કલાકની અંદર ત્રણ આરોપીઓ રિસોર્ટ માલિક પુલકિત આર્ય, મેનેજર સૌરભ ભાસ્કર અને આસિસ્ટન્ટ મેનેજર અંકિત ગુપ્તાની ધરપકડ કરી છે.

પૂછપરછ દરમિયાન આરોપીઓએ પોલીસને ગેરમાર્ગે દોરવાની કોશિશ કરી હતી. જોકે સખ્ત પૂછપરછ પછીથી આરોપીઓએ ગુનો કબુલ કર્યો હતો. આરોપીઓએ અંકિતાના શબને ચિલ્લા નહેરમાં ફેંકવાની વાતને સ્વીકારી હતી.

આરોપીઓના નિવેદનના આધારે એસડીઆરએફ અને પોલીસની ટીમને ચીલા નહેર ક્ષેત્રમાં શબને શોધવા માટે લગાવવામાં આવી છે. શનિવારે સવારે સર્ચિંગ દરમિયાન એસડીઆરએફની ટીમે ચિલ્લા પાવર હાઉસમાંથી એક યુવતીના શબને જપ્ત કર્યું.

અંકિતાના શબને જિલ્લા પોલીસને સુપરત કરવામાં આવ્યું છે. ઓળખ માટે અંકિતા ભંડારીના પરિવારના સભ્યોને જાણ કરવામાં આવી છે. પોલીસની ગાડીમાં પહોંચેલા પરિવારના સભ્યોએ શબની ઓળખ કરી લીધી છે.

મુખ્ય આરોપી પુલકિત આર્ય હરિદ્વારના ભાજપ નેતા વિનોદ આર્યનો પુત્ર હોવાનું કહેવાઈ રહ્યું છે, જે અગાઉ રાજ્યમંત્રી પણ રહી ચુક્યા છે.