Covid Vaccine Update: કોરોના વેક્સીનથી બીમાર પડ્યો શખ્સ, જૉનસન એન્ડ જૉનસને રોક્યું ટ્રાયલ

વોશિંગટનઃ ભારત સહિત દુનિયાભરમાં કોરોના વાયરસ (Coronavirus)ના કેસ વધતા જઈ રહ્યા છે. કેન્દ્રીય સ્વાસ્થ્ય મંત્રાલયના આંકડાઓ મુજબ, ભારતમાં કોરોના દર્દીઓની સંખ્યા 71 લાખને પાર પહોંચી ગઈ છે. કોરોના વેક્સીન (Covid-19 Vaccine) વિકસિત કરવાનું કામ પણ ઝડપથી ચાલી રહ્યું છે. આ દરમિયાન અમેરિકાની જૉનસન એન્ડ જૉનસન (Johnson & Johnson) કંપનીએ હાલ પોતાની કોરોના વેક્સીનનું ટ્રાયલ રોકી દીધું છે. આવો નિર્ણય ટ્રાયલ (Corona Vaccine Trial)માં ભાગ લઈ રહેલા શખ્સને કોઈ પ્રકારની બીમારી થયા બાદ લેવામાં આવ્યો છે. (પ્રતીકાત્મક તસવીર)

જૉનસન એન્ડ જૉનસન (Johnson & Johnson) તરફથી એક નિવેદન જાહેર કરવામાં આવ્યું છે. આ નિવેદનમાં જણાવવામાં આવ્યું છે કે, અમે અમારા તમામ કોવિડ-19 વેક્સીનના ક્લિનિકલ ટ્રાયલ અસ્થાયી રીતે રોકી દીધા છે. કંપનીએ તેની પાછળનું કારણ ટ્રાયલ દરમિયાન એક સહભાગીના બીમાર થવાનું ગણાવ્યું છે. (પ્રતીકાત્મક તસવીર)

આ મહિનાની શરૂઆતમાં જૉનસન એન્ડ જૉનસન અમેરિકામાં વેક્સીન બનાવનારી કંપનીઓમાં શાર્ટ લિસ્ટ થઈ છે. જૉનસન એન્ડ જૉનસનની એડી26-સીઓવી2-એસ વેક્સીન અમેરિકામાં ચોથી એવી વેક્સીન છે જે ક્લિનિકલ ટ્રાયલના અંતિમ ચરણમાં છે. (પ્રતીકાત્મક તસવીર)

અગાઉના રિપોર્ટમાં કહેવામાં આવ્યું હતું કે વેક્સીને પ્રારંભિક સ્ટડીમાં કોરોના વાયરસની વિરુદ્ધ એક મજબૂત ઇમ્યૂન રિસ્પોન્સ આપ્યો છે. રિસર્ચર્સે કહ્યું હતું કે અત્યાર સુધીના ક્લિનિકલ ટ્રાયલના પરિણામના આધાર પર કોઈ ગંભીર આડઅસર નથી થઈ. (પ્રતીકાત્મક તસવીર)

જૉનસન એન્ડ જૉનસને હાલમાં જ આ વેક્સીનના અંતિમ ચરણના ટ્રાયલ શરૂ કર્યા હતા. કંપનીએ ત્યારે કહ્યું હતું કે આ ટ્રાયલ હેઠળ અમેરિકા, દક્ષિણ આફ્રિકા, બ્રાઝીલ, ચિલી, કોલંબિયા, મેક્સિકો અને પેરુમાં 60 હજાર લોકો પર વેક્સીનનું ટ્રાયલ કરવામાં આવશે. જૉનસન એન્ડ જૉનસનની વેક્સીનના ટ્રાયલ પર રોક લગાવવાના સમાચાર સ્પષ્ટ રીતે એક મોટો આંચકો છે. આ પહેલા એસ્ટ્રાજેનેકાની વેક્સીન પર રોક લગાવવામાં આવી હતી. (પ્રતીકાત્મક તસવીર)

કોરોનાની વેક્સીન બનાવવાની રેસમાં ઓક્સફર્ડ યુનિવર્સિટી અને એસ્ટ્રાજેનેકાની વેક્સીન સૌથી આગળ ચાલી રહી હતી, પરંતુ ગત થોડા દિવસો પહેલા કેટલાક સ્વયંસેવકોની કોવિશીલ્ડ વેક્સીન આપ્યા બાદ તબિયત ખરાબ થઈ ગઈ હતી. (પ્રતીકાત્મક તસવીર)

ત્યારબાદ 6 સપ્ટેમ્બરે ત્રીજા ચરણનું ટ્રાયલ રોકવું પડ્યું. જોકે ઓક્સફર્ડ યુનિવર્સિટી અને એસ્ટ્રાજેનેકાની વેક્સીનનું બ્રિટન અને ભારતમાં ટ્રાયલ ફરી શરૂ થઈ ચૂક્યું છે. અમેરિકા કે અન્ય દેશોમાં હજુ ફરી મંજૂરી નથી મળી નથી. (પ્રતીકાત્મક તસવીર)