મોડી રાત્રે પૂર્વ વિદેશ મંત્રી સુષમા સ્વરાજનું નિધન થઈ ગયું છે. દિલ્હી સ્થિત AIIMSમાં તેમણે અંતિમ શ્વાસ લીધા હતા. સુષમાનું નિધન કાર્ડિયાક અરેસ્ટને કારણે થયું હતું. મંગળવારે સાંજે ગભરામણની ફરિયાદ બાદ તેમને અહીં લાવવામાં આવ્યા હતા. (AP Photo/Mahesh Kumar A. File)
સુષમાને હોસ્પિટલમાં લાવવામાં આવતા જ ડોક્ટરોની ટીમે બોલાવવામાં આવી હતી. નિધન બાદ સુષમાની સારવાર કરી રહેલી ટીમના બે જૂનિયર ડોક્ટર રડી પડ્યાં હતાં. અમર ઉજાલાના રિપોર્ટ પ્રમાણે આશરે 70 મિનિટ સુધી સીપીઆર, હાર્ટ પમ્પની સાથે સાથે શૉક ટ્રિટમેન્ટ આપવામાં આવી હતી, પરંતુ તેમનું હૃદય ફરીથી ચાલુ થયું ન હતું. જે બાદમાં તેમને વેન્ટિલેટરનો સપોર્ટ પણ આપવામાં આવ્યો હતો. પરંતુ એક પણ ઉપાય કામ આવ્યો ન હતો. (AP Photo/Saurabh Das, File)
રિપોર્ટ અનુસાર નામ જાહેર ન કરવાની શરતે ડોક્ટરોએ જણાવ્યું કે 10.50 વાગ્યે સુષમાએ અંતિમ શ્વાસ લીધા હતા. ડોક્ટરોના જણાવ્યા પ્રમાણે એઇમ્સ પહોંચ્યા પહેલા જ ડોક્ટરની ટીમ એલર્ટ પર હતી. એમ્બ્યુલન્સમાંથી તેમના તાત્કાલિક ઇમરજન્સી વિભાગમાં લઈ જવામાં આવ્યા હતા. અહીં બે ડોક્ટર સીપીઆર સાથે હાજર હતા. (AP Photo/Mary Altaffer, File)
અહીં હાજર ડોક્ટરોને તાત્કાલિક માલુમ પડી ગયું હતું કે આ કાર્ડિયાક અરેસ્ટ છે. શરૂઆતના 10-15 મિનિટમાં સીપીઆરથી કામ ન ચાલ્યું તો શૉક આપવામાં આવ્યા હતા. સુષમાના શરીરે જવાબ ન આપતા તેમના હૃદયને પમ્પ કરવાનો નિર્ણય લેવામાં આવ્યો હતો. (AP Photo/Gemunu Amarasinghe, File)
હાર્ટ વિભાગના ડોક્ટર વી કે બહલ અને તેની આખી ટીમે હાર્ટ પમ્પ કર્યું હતું. જ્યારે ડોક્ટર પ્રવીણ અગ્રવાલની ટીમે વેન્ટિલેટર તૈયાર કર્યું હતું. પમ્પથી કામ ન થતાં તેમને વેન્ટિલેટર પર રાખવામાં આવ્યા હતા. પરંતુ સુષમાના શરીરે કોઈ જવાબ આપ્યો ન હતો. (FILE)
સુષમા સ્વરાજના નિધન બાદ ભારતના વડાપ્રધાન નરેન્દ્ર મોદીએ લખ્યું કે ભારતની રાજનીતિનો એક શાનદાર અધ્યાય સમાપ્ત થયો છે.
રક્ષા મંત્રી રાજનાથ સિંહે કહ્યું કે ખૂબ જ કિંમતી સાથીના આકસ્મિક નિધન બાદ ખૂબ આઘાત અને પીડા અનુભવી રહ્યો છું. વિદેશ મંત્રી એસ જયશંકરે કહ્યુ કે, "શ્રીમતી સુષમા સ્વરાજના નિધનની સૂચના મળતા ઊંડા આઘાતમાં છું. આ વાત પર વિશ્વાસ કરવો મુશ્કેલ છે. આખો દેશ શોકમાં છે."
