Afghanistan Crisis: યુવતીઓના ટુકડા કરી કૂતરાઓને ખવડાવે છે Taliban, જીવતી બચેલી મહિલાની આપવીતી

કાબુલ. અફઘાનિસ્તાન (Afghanistan) પર 20 વર્ષ બાદ કબજો મેળવ્યા બાદ ભલે તાલિબાન (Taliban)એ કહ્યું હોય કે તે મહિલાઓ પ્રતિ નરમ વલણ અપનાવશે, પરંતુ હકીકત કંઈક જુદી જ છે. એક હુમલામાં આબાદ બચી ગયેલી મહિલાએ તાલિબાનની ક્રૂરતા (Taliban Cruelty) દુનિયાની સમક્ષ રજૂ કરી છે. મહિલાએ જણાવ્યું કે, સજા રુપે પહેલા અફઘાનિ મહિલાઓ (Afghani Women) સાથે ખરાબ વ્યવહાર કરવામાં આવે છે, બાદમાં તેમને ઉલટી લટકાવી દેવામાં આવે છે અને કૂતરાઓને ખવડાવી દેવામાં આવે છે.

‘ન્યૂયોર્ક ટાઇમ્સ’ના રિપોર્ટ મુજબ, ગજની પ્રાંતમાં ગયા વર્ષે એક 33 વર્ષની ખતેરા (Khatera)ને ગોળી મારી દેવામાં આવી હતી. પરંતુ આ હુમલામાં તે આબાદ બચી ગઈ. ખતેરાએ જણાવ્યું કે, તાલિબાનની નજરમાં મહિલાઓ માત્ર માંસના પુતળા છે, જેમાં જીવ નથી. તેમના શરીરની સાથે કંઈપ કરી શકાય છે. તેને માત્ર મારી શકાય છે.

તાલિબાનના હુમલાથી ખતેરાની આંખોને ભારે નુકસાન પહોંચ્યું હતું, જેથી તેની આંખોને ઓપરેશન કરીને કાઢી લેવામાં આવી છે. ખતેરા હાલ નવી દિલ્હીમાં 2020થી સારવાર માટે પતિ અને બાળકોની રોકાયેલી છે.

ખતેરાનું કહેવું છે, ‘મારા પિતા તાલિબાનના ફાઇટર હતા. તેઓએ જ મને મારવાનું કાવતરું ઘડ્યું હતું. હું અફઘાનિસ્તાન પોલીસમાં નોકરી કરતી હતી. મારી પર તે સમયે હુમલો કરવામાં આવ્યો જ્યારે હું બે મહિનાની ગર્ભવતી હતી.’

તે ઘટનાને યાદ કરતાં ખતેરા કહે છે, ‘હું નોકરીથી પરત ઘરે જઈ રહી હતી. રસ્તામાં તાલિબાનના ફાઇટરોએ મને ઘેરી લીધી. પહેલા મારું આઇડી ચેક કર્યું અને પછી ગોળી મારી દીધી. મારા શરીરના ઉપરના હિસ્સામાં 8 ગોળીઓ વાગી હતી. તાલિબાનીઓએ ચાકૂથી પણ અનેક વાર કર્યા હતા.’ રિપોર્ટ મુજબ, જ્યારે ખેતરા બેભાન થઈ ગઈ ત્યારે, તાલિબાનના ફાઇટરોએ તેની આંખો પર ચાકૂના વાર કર્યા હતા.

ખતેરા કહે છે, ‘તાલિબાન પોતાની ક્રૂરતા દર્શાવવા માટે પહેલા મહિલાઓ સાથે ખરાબ વર્તન કરે છે. તેમની સાથે દુષ્કર્મ ગુજારે છે. પછી મારી નાખે છે. મહિલાઓના શરીરના ટુકડા કરી કૂતરાઓને ખવડાવી દે છે. હું નસીબદાર હતી કે બચી ગઈ.’

ખતેરા વધુમાં કહે છે, ‘મારા માટે કાબુલ અને ફરી દિલ્હી આવવું સરળ હતું, કારણ કે પૈસા હતા. આવું બધાની સાથે નથી થતું. કલ્પના કરવી મુશ્કેલ છે કે અફઘાનિસ્તાનમાં તાલિબાનના આવવાથી હવે મહિલાઓ, યુવતીઓ અને બાળકોનો શું હાલ થશે?’