8 વર્ષીય નાનકડા બાળકમાં ક્રિકેટની ગજબ સ્કિલ, ફેસબુકમાં વાયરલ; કોચે કહ્યું - બીજો વિરાટ કોહલી બનશે

રંજન ચંદા, દાંતન (પશ્ચિમ મેદિનીપુર): ફેસબુકમાં આ નાનકડા ક્રિકેટરના વીડિયો વાયરલ થઈ રહ્યા છે. તે સ્ટ્રેટ ડ્રાઇવ, કવર ડ્રાઇવ.. અરે આખી મેચમાં તે એક પ્રોફેશનલ ક્રિકેટર તરીકે રમે છે. પછી ભલે ને ગમે ત્યાં બોલ આવે, તેનું બેટ બોલને હિટ કરે જ છે. આ નાનકડા ક્રિકેટરનું નામ અંકન કૈલા છે. તેને અઢી વર્ષની ઉંમરથી જ ક્રિકેટનો શોખ હતો.

અંકન દાંતનના એકતારપુરમાં રહે છે. આઠ વર્ષની ઉંમરે તેને આવી રીતે રમતા જોઈ ક્રિકેટપ્રેમીઓ પણ તેનાથી આકર્ષિત થઈ જાય છે. તેના પરિવારજનના જણાવ્યા પ્રમાણે, તેને બાળપણથી જ ક્રિકેટ સાથે લગાવ હતો. કોહલીને ટીવીમાં રમતો જોઈ તે વધુ ક્રિકેટ પ્રત્યે વધુ આકર્ષાયો હતો.

અઢી વર્ષની જ ઉંમરથી તેની બેટ પકડવાની રીત અને રમવાની સ્કિલ બધાને આકર્ષિત કરતા હતા. તેના પિતાએ તેને તાલીમ અપાવવા માટે દાંતનના ક્રિકેટ કોચિંગ સેન્ટરમાં મૂક્યો હતો. 8 વર્ષીય અંકના કૈલા હાલ દાંતનમાં આવેલા ક્રિકેટ કોચિંગ કેમ્પમાં તાલીમ લઈ રહ્યો છે.

તેના પિતા કલાચંત કૈલાની એક કપડાંની દુકાન છે. માતા રુમ્પા કૈલા ગૃહિણી છે. તેના પિતા જણાવે છે કે, ‘અમે બહુ નાની ઉંમરે તેનામાં રહેલી ક્રિકેટની પ્રતિભાને ઓળખી કાઢી હતી. તે બધી રમત રમે છે, પણ ક્રિકેટ માટે તેને અલગ જ પેશન છે. તેને બેટ જોઈતું હતું અને તેણે જીદ્દ કરી હતી. અમે જ્યારથી તેને બેટ લઈ આપ્યું છે ત્યારથી તેનો જુસ્સો ડબલ થઈ ગયો છે. ત્યારબાદ અમે તેને કોચિંગ ક્લાસમાં મૂકવાનું નક્કી કર્યુ હતુ.’

સામાન્ય પરિવારમાંથી આવતા આ બાળકનો ક્રિકેટ માટેનો લગાવ અને તેની બેટિંગ સ્કિલ જોઈને ઘણાં લોકો પ્રભાવિત થઈ ગયા છે. તે ભણવાની સાથે સાથે દરરોજ ક્રિકેટની પ્રેક્ટિસ પણ કરે છે. તે મોટો થઈને વિરાટ કોહલીની જેમ ભારતીય ક્રિકેટ ટીમમાં રમવા માગે છે. તેના માતા-પિતા પણ તેને બધી જ બનતી મદદ કરે છે.

તેના કોચ સંજય પાત્રાને અંકન પર ગજબનો વિશ્વાસ છે. તેમના જણાવ્યા પ્રમાણે, ‘અંકન જેટલું ક્રિકેટ માટે જુનૂન અને પેશન ઘણાં ઓછા લોકોમાં હોય છે. તે કવર ડ્રાઇવ અને સ્ક્વેર ડ્રાઇવ ખૂબ જ સારી રીતે રમે છે. ઘણીવાર તો અમે આશ્ચર્ય પામીએ છીએ. તે આખો દિવસ ક્રિકેટ માટે જ વિચારતો હોય છે. હું તેને બીજા વિરાટ કોહલી તરીકે જોવા માંગુ છું.’ અંકનને પણ વિરાટ કોહલી બનવું છે!