શું પ્રેગ્નેન્ટ છે પ્રિયંકા ચોપરા? મા મધુ ચોપરાએ આપ્યો જવાબ

બોલિવૂડની દેસી ગર્લ પ્રિયંકા ચોપરાનાં પ્રેગ્નેન્ટ હોવાની અફવા હાલમાં ચારેય તરફ ફેલાઇ ગઇ છે. ન્યૂયોર્ક ફેશન વીકમાં Michael Korsનાં આઉટફિટમાં આવેલી પ્રિયંકાનાં કપડાં ટાઇટ હોવાને કારણે તેની કેટલીક તસવીરોમાં જાણે તેનું બેબી બમ્પ દેખાતુ હોય તેમ લાગે છે.

આ તસવીરનાં સામે આવ્યા બાદ પ્રિયંકા ચોપરા પ્રેગ્નેન્ટ હોવાની વાતો ચારેય તરફ થવા લાગી હતી.

આ તસવીરો સામે આવ્યા બાદ પ્રિયંકાની માતા મધુ ચોપરાને પ્રિયંકાની પ્રેગ્નેન્સી અંગે સવાલ કરવામાં આવ્યો હતો જેનો જવાબ મધુ ચોપરાએ આપ્યો હતો.

મધુ ચોપરાએ લખ્યું હતું કે, પ્રિયંકાની પ્રેગ્નેન્ટ હોવાની વાતમાં કોઇ જ સત્યતા નથી. તેની તસવીરો ખોટા કેમેરા એન્ગલથી લેવામાં આવી છે. તેણે તેમ પણ કહ્યું કે, પ્રિયંકાનાં કપડાં તો સારા હતાં. અને કેટલાંક જ ફોટામાં તેનાં પેટનો ભાગ વધુ જોવા મળી રહ્યો છે.

જ્યારે આ અંગે પ્રિયંકા ચોપરાનો સંપર્ક સાધવામાં આવ્યો તો તેણે કહ્યું કે, તે થાકેલી હતી તેથી ખોટા કેમેરા એન્ગલને કારણે તેનું પેટ વધુ લાગતુ હતું.