અંકલેશ્વર GIDCની કંપનીમાં ભીષણ આગ, કારણ અકબંધ

અંકલેશ્વરની જીઆઈડીસીમાં આવેલી સજ્જન ઇન્ડિયા કંપનીમાં ગઇકાલે મોડી રાતે ભીષણ આગ લાગી હતી. જેની જાણ થતાં ફાયર વિભાગનાં 10થી વધુ ફાયર ફાયટર ત્યાં પહોંચ્યાં હતા. આ ભીષણ આગનું હજી કારણ સામે આવ્યું નથી. સ્થાનિક પોલીસ ઘટના સ્થળે પહોંચીને તેની વધુ તપાસ હાથ ધરી હતી. સદનસીબે આ ઘટનામાં કોઇ જાનહાનીનાં સમાચાર સામે આવ્યાં નથી.

આ મામલે મળતી માહિતી પ્રમાણે ગઇકાલે મોડી રાતે અંકલેશ્વરની જીઆઈડીસીમાં આવેલી સજ્જન ઇન્ડિયા કંપનીમાં અચાનક આગ લાગતા અફરાતફરી મચી ગઇ હતી. આ કંપનીમાં લાગેલી આગ એટલી ભીષણ હતી કે આગની લપેટો દૂરથી દેખાતી હતી.

હાલ આ આગ કેમ લાગી છે તેનું કારણ હજી સામે આવ્યું નથી. પોલીસે ગુનો નોંધીને વધુ તપાસ હાથ ધરી છે.

આ દુર્ઘટનામાં કોઇ જાનહાનીનાં સમાચાર મળ્યાં નથી.

આગ પર કાબુ મેળવવા માટે 10થી વધુ ફાયર ફાયટર ઘટના સ્થળે પહોંચીને આગ પર કાબુ મેળવ્યો છે.