Mehsana News: મહેસાણાના કરણનગરમાં યોજાયું શ્વાનનું બેસણું યોજાયું, મોક્ષ માટે બારમું પણ થશે

Tribute to Dog: માણસ (Human) અને શ્વાનનો (Dog) નાતો સદીઓ જૂનો છે. શ્વાન ફક્ત કોઈ પાલતું પશુ નથી પરંતુ માણસનો પરમ મિત્ર અને સાચો સાથી છે. આજના યુગમાં માનવીય સંવેદનાઓની ઓટ જોવા મળતી હોય છે ત્યારે મહેસાણાના (Mehsana) કડી (Kadi) તાલુકાના કરણનગર (Karannagar) ગામે કરૂણાનો એક અદભૂત દાખલો જોવા મળ્યો છે. અહીંયા જોવા મળતી મહિલાઓ કોઈ મોભીના અવસાન બાદ નહીં પરંતુ શ્વાનના અવસાન બાદ બેસણામાં (Prayers Meet for Street dog) આવી છે.

[caption id="attachment_1190882" align="alignnone" width="1080"] કરણનગરના વડીપાટીવાસમાં એક શેરીમાં રહેતા શ્વાનનું કુદરતી અવસાન થયું હતું. 'ભૂરિયો બ્રહ્મચારી' નામના 7 વર્ષના શ્વાનનું કુદરતી અવસાન થઈ જતા મહિલાઓએ તેની પાછળ વાસમાં બેસણું રાખ્યું હતું. મહિલાઓએ શોક પાળી અને તેની આત્મની શાંતિ માટે રામધૂન કરી હતી.</dd> <dd>[/caption]

વાસના રહેવાસી અલકા પટેલે જણાવ્યું કે આ શ્વાન બ્રહ્માચારી હતો. તેનો જન્મ જ ફક્ત શ્વાનના ખોળિયામાં થયો હતો. અમારા વાસના 50 ઘર છે આજદિન સુધી એકવાર પણ આ ભૂરિયાએ કોઈને બચકું નહોતું ભર્યુ ન તો કોઈના સામે ભસ્યો હતો. બાળકોનો પ્રિય હતો.

શેરીના સદસ્યની જેમ જીવેલા શ્વાનના અવસાનથી વ્યથિત મહિલાએ શ્વાનની તસવીર મૂકી અને તેની પ્રાર્થાના સભા રાખી. મહિલાઓ તેની આત્માની શાંતિ માટે 12 દિવસ બેસણું રાખી અને ભજન કિર્તન કરશે. આવી ઘટના ક્યારેય જોવા મળી નહીં હોય

વધુમાં આ શ્વાનની પાછળ જેવી રીતે મનુષ્ય યોનીના મોક્ષ માટે બારમાની વિધિ થાય તેમ બ્રહ્મચારી ભૂરિયા માટે પણ બારમું રાખવાનું મહિલાઓએ કહ્યું હતું. મહિલાઓએ કહ્યું કે અમે ઈશ્વરને પ્રાર્થના કરીશું કે તેને કોઈ સારો અવતાર મળે.

કરણનગરના રહેવાસીઓની આ કરૂણા સમાજ માટે દાખલારૂપ છે. આજે જ્યારે માણસ માણસ વચ્ચે કરૂણા અને પ્રેમનો અભાવ વધી રહ્યો છે ત્યારે એક શ્વાન પાછળ કરેલું આ સદ્કાર્ય સ્પર્શી જાય તેવું છે.