Mehsana news: બહુચરાજીમાં શિક્ષકે ચાલુ શાળાએ દવા પીધી, પ્રિન્સિપાલનું લેવાયું રાજીનામું

કેતન પટેલ, મહેસાણાઃ ગુજરાતમાં આત્મહત્યા કે આત્મહત્યાના પ્રયાસના અનેક કિસ્સાઓ બનતા રહે છે ત્યારે ઉત્તર ગુજરાતમાં (north Gujarat) આત્મહત્યાના (suicide attempt) પ્રયાસનો કિસ્સો બન્યો હતો. મહેસાણા જિલ્લાના (mehsana news) બહુચરાજીમાં આવેલી શાળાના શિક્ષકે ચાલુ શાળા (teacher drink poison) ઝેરી દવા પી લીધી હતી. જેના પગલે સમગ્ર શાળામાં અફરાતફરી મચી ગઈ હતી. જોકે, દાવા પીધા બાદ શિક્ષકને સારવાર માટે હોસ્પિટલ લઈ જવાયો હતો. જ્યાં તેઓ સારવાર હેઠળ છે.

મળતી માહિતી પ્રમાણે ઉત્તર ગુજરાતમાં મહેસાણાના બહુચરાજીમાં શ્રી મહાવિર એજ્યુકેશન ટ્રસ્ટ સંચાલિત રત્નણી સ્કૂલમાં રજનીકાત્ન મકવાણા શિક્ષક તરીકે નોકરી કરી કરે છે. તેમણે આજે શુક્રવારે કોઈ કારણસર ચાલુ શાળાએ દવા પીધી હતી. જેના પગલે સ્કૂલમાં દોડધામ મચી ગઈ હતી.

દવા પીધા બાદ શિક્ષકની તબીયત લથડતા તેમને ખાનગી હોસ્પિટલમાં સારવાર માટે દાખલ કરવામાં આવ્યા હતા. જ્યાં તેમની સારવાર ચાલી રહી છે. ઘટના અંગે જાણ થતાં ટ્રસ્ટના એડવાઈઝર તાત્કાલિક ધોરણે શાળાએ પહોંચી ગયા હતા.

શ્રી મહાવિર એજ્યુકેશન ટ્રસ્ટના એડવાઈઝર જગતભાઈએ જણાવ્યું હતું. ટ્રસ્ટ દ્વારા શિક્ષણ સ્તરને સારુ કરવા માટે બે મહિને મિટિંગો થતી હોય છે અને સ્તર સુધારવા માટે શિક્ષકો અને વિદ્યાર્થીઓ સાથે સંવાદ થતો હોય છે. ત્યારે આજે બનેલી ઘટના દુઃખદ છે.

તેમણે વધુમાં જણાવ્યું હતું કે, ઘટના બાદ સ્કૂલના પ્રિન્સિપલ વીણાબેન પટેલનું રાજીનામુ લેવામાં આવ્યું છે. અને શિક્ષકની સારવારનો તમામ ખર્ચ સંસ્થા ઉઠાવવાનું પણ તેમણે જણાવ્યું હતું. શિક્ષકે દવા કેમ પીધી એ અંગે ચોક્કસ જાણકારી સામે આવી નથી. (જગતભાઈની તસવીર)