Lata Mangeshkar: મહેસાણામાં ગ્રીન એમ્બેસેડર દ્વારા લતાજીને અનોખી શ્રદ્ધાંજલિ અર્પણ કરવામાં આવી

કેતન પટેલ, મહેસાણાઃ ભારત રત્ન (BharatRatna) કોકીલકંઠ ધરાવતા લતા મંગેશકરનું (Lata Mangeshkar) આજરોજ 92 વર્ષની વયે નિધન થયું છે. સુર સમ્રાજ્ઞી લતા મંગેશકરની યાદમાં મહેસાણાના ઋષિવનમાં લતાજીની યાદમાં 1,111 વૃક્ષોનું વાવેતર કરી અનોખી શ્રદ્ધાંજલિ આપી છે. તેમજ વૃક્ષોથી હરિયાળા ઋષિવનમાં લતા મંગેશકર ઉપવન નામકરણ સાથે વૃક્ષોનો ઉછેર કરવામાં આવશે.

ભારત રત્ન કોકીલકંઠ ધરાવતા લતા મંગેશકરનું (Lata Mangeshkar) આજરોજ 92 વર્ષની વયે નિધન થયું હતું. તેમના નિધનના સમાચાર સામે આવતા તેમના લાખો કરોડો ફેન આજે નિરાશ થયા છે. તેઓ કોરોના બાદ ન્યુમોનિયાથી સંક્રમિત હતા. આથી લતા દીદીને 8 જાન્યુઆરીએ મુંબઈની બ્રીચ કેન્ડી હોસ્પિટલમાં દાખલ કરવામાં આવ્યા હતા.

આજરોજ મહેસાણા જિલ્લામાં ગ્રીન એમ્બેસેડર દ્વારા લતાજીને અનોખી શ્રદ્ધાંજલિ અર્પણ કરવામાં આવી છે. ગુજરાત સરકાર દ્વારા જેમને વૃક્ષારોપણ અને વૃક્ષ ઉછેરમાં ગ્રીન એમ્બેસેડર જીતુભાઇ પટેલએ સ્વર સમ્રાગ્નિ લતાજીની વિદાયને અનોખી વિદાય આપી છે. લતા મંગેશકરજીએ આ દુનિયાને પોતાની યાદો આપી અનંત વાટ પકડતા તેમના અનેક ચાહકો હૃદયસ્થ શ્રદ્ધાંજલિ અર્પી રહ્યા છે.

ત્યારે વૃક્ષ એજ જેમનું જીવન છે એવા ગ્રીન એમ્બેસેડર જીતુભાઇ એ વિજાપુર નજીક આવેલા ઋષિવનમાં લતાજીની યાદ માં 1,111 વૃક્ષોનું વાવેતર કરી અનોખી શ્રદ્ધાંજલિ આપી છે. તેમજ વૃક્ષોથી હરિયાળા ઋષિવનમાં લતા મંગેશકર ઉપવન નામકરણ સાથે વૃક્ષોનો ઉછેર કરવામાં આવશે.

આમ જેમના સુરમાં હંમેશા હરીયાળી જોવા મળતી હતી એવા લતાજીની યાદમાં તેમના અનન્ય ચાહક જીતુભાઈ પટેલ 1,111 વૃક્ષોનું વાવેતર અને લતા મંગેશકર ઉપવન નું નિર્માણ કરી હરિયાળી શ્રદ્ધાંજલિ અર્પી છે.