મહેસાણાઃ સતલાસણામાં બાઈક સવારોને બચાવવા જતાં 8 લોકો સાથે સ્કોર્પીયો કૂવામાં ખાબકી, બેના મોત

કેતન પટેલ, મહેસાણાઃ માર્ગ અકસ્માતની (Road accident) ઘટનાઓ રોજેરોજ બનતી રહે છે અને આવી ઘટનાઓમાં અનેક લોકો પોતાનો જીવ ગુમાવતા હોય છે. ત્યારે આવી જ એક ઘટના ઉત્તર ગુજરાતના (north Gujarat) મહેસાણા જિલ્લાના (mehsana) સતલાસણામાં બની હતી. અહીં એક સ્કોર્પીયો જીપ કૂવામાં (Scorpio Jeep fell into well) ખાબકી હતી. જેના પગલે બે લોકોના મોત નીપજ્યા હતા. મૃતકોમાં દોઢ વર્ષના બાળક અને 60 વર્ષના વૃદ્ધાનો સમાવેશ થાય છે.

મળતી માહિતી પ્રમાણે આજે રવિવારે મોડી સાંજે મહેસાણા જિલ્લાના સતલાસણાના પટેલવાડી પાસે એક સ્કોર્પીઓ જીપ પસાર થઈ રહી હતી. જોકે આ દરમિયાન બાઈક સવારને બચાવવા જતાં સ્કોર્પીયો ચાલકે કાબુ ગુમાવતા જીપ બાજુમાં આવેલા કૂવામાં ખાબકી હતી.

8 લોકો સવાર સ્કોર્પિયો કાર કૂવામાં ખાબકી હતી. ઘટનાના પગલે બાઈક સવાર અને જીપમાં સવાર કુલ 10 લોકો અકસ્માતનો ભોગ બન્યા હતા. જેમાં 2 લોકોના મોત નીપજ્યા હતા. મૃતકોમાં દોઢ વર્ષનું બાળક અને 60 વર્ષની વૃદ્ધાનો સમાવેશ થયા છે.

ઘટનાની જાણ થતાં સ્થાનિક લોકોના ટોળાં એકઠાં થયા હતા. અને પોલીસને આ અંગે જાણ કરતા પોલીસ પણ ઘટના સ્થળે દોડી આવી હતી. ત્યારબાદ ક્રાઈનની મદદથી સ્કોર્પીયોને બહાર કાઢવામાં આવ્યા હતા. ઈજાગ્રસ્તોને સારવાર માટે વડનગર સિવિલ હોસ્પટિલમાં દાખલ કરવામાં આવ્યા હતા.

મૃતકોની વાત કરીએ તો દોઢ વર્ષના યશરાજસિંહ ચૌહાણ અને જળીબા ચંદરસિંહ વઘારે બંને રામગરના રહેવાસી છે. જ્યારે ભડાવાસના રહેવાસી ચૌહાણ ઇશ્વર સિંહ કનોસિંહ, ચૌહાણ ગજુસિંહ ચૌહાણ સોનલબા દગુસિંહ, રણજિત સિંહ દુગસિંહ ચૌહાણ ઈજાગ્રસ્ત થયા હતા.

આ ઉપરાંત વજાપુરના રહેવાસી જવાનજી રામાજી ઠાકોર અને બાદલભાઈ બેચરજી ઠાકોર બંને બાઈક લઈને જતા હતા. આ ઉપરાંત સ્કોર્પીયો કારમાં હતભા ગજેસિંહ ચૌહાણ જે ભાણાવાસના રહેવાશી છે. આ ઉપરાંત અકસ્માતમાં ચૌહાણ દરતુસિંહ ગજેસિંહ જેઓ ભાણાવાસના રહેવાશીને સામાન્ય ઇજા પહોંચી હતી.

આ અંગે વધુ મળતી માહિતી પ્રમાણે ગંભીર રીતે ઈજાગ્રસ્ત લોકોને વડનગર સિવિલ હોસ્પિટલમાંથી અમદાવાદ સિવિલ હોસ્પિટલમાં રેફર કરવામાં આવ્યા હતા. જ્યારં છ લોકોને વડનગર સિવિલ હોસ્પિટલમાં જ સારવાર આપવામાં આવી રહી છે.

આ ઉપરાંત દ્વારકામાં પણ અકસ્માતની ઘટના બની હતી. અહીં હુંડાઈ ગેટ્ઝ કારનું ટાયર ફાટતા કાર ચાર પલ્ટી મારી ખેતરોમાં જઈને પડી હતી. આ અકસ્માતમાં 63 વર્ષીય નારણભાઈ ખીમજીભાઈ પગડાતનું મોત નીપજ્યું હતું. કારમાં પાંચ લોકો સવાર હતા. જોકે, ચાર લોકોને ઈજાઓ પહોંચી હતી અને એકનું મોત નીપજ્યું હતું.