Mehsana: આમને મળો, આ છે MBA સોનુબેન ઈડલી વાળા, ઢોસા અને મેંદુવડા ખાવા લાગે લોકોની લાઈન

Rinku Thakor, Mehsana: મહેસાણામાં MBA સુધીનો અભ્યાસ કરીને સોનુબેન ઇડલીની શોપ ચલાવે છે. સોનુબેન શિક્ષક પણ રહી ચૂક્યાં છે.પરંતુ કુકિંગનાં શોખનાં કારણે આ કામ તરફ વળ્યા. તેમને હંમેશાથી કંઇક અલગ અને ખુદનુ કામ કરવુ હતુ.

મહેસાણામાં સાઉથ ઇન્ડિયન વાનગીઓનો ક્રેજ વધારે છે, પણ અહિ અફોરટેબલ કિંમતમાં ડિશ મળતી નથી.જેથી બધા લોકો ન પણ ખાઇ શકે. તેથી સોનુબેનએ સાઉથ ઇન્ડિયન વાનગીઓ બનાવીને વેચવાનું નક્કી કર્યું. આજે મહેસાણામાં એમની એક મેન અને બીજી 2 મળીને કુલ 3 આઉટલેટ છે.

ચોખ્ખાઇથી દાળ, શાકભાજીથી ઇડલી મેંદુવડા માટેાનો સાંભર બનાવે છે. તેઓ સાંભરમાં કોઇ પણ હાર્મફુલ મસાલા નાખતા નથી અને એક પ્લેટ ઇડલી રૂપિયા 30 માં વેચે છે.

સવારે 7 વાગ્યાથી બધી જ સામગ્રી તૈયાર કરી દે છે અને 2 વાગ્યા સુધીમાં સાંઇબાબાથી માનવ આશ્રમ રોડ પર એમની શોપ પર વેચે છે.આ ઉપરાંત તેઓ એવી મહિલાઓ કે જે કાંઇક કરવા માગે છે તો એમને પણ આ સાઉથ ઇન્ડિયન વાનગીઓ આપે છે.

વર્ષ પહેલાં જ્યારે શરૂઆત કરી ત્યારે તેમને બેટર ( ખીરું) બનાવવા માટે ન્યુ હાઇ ટેક મશીન, વાનગીને આપવા માટેના વાસણ તેમજ શોપ માટે પોતાના બચાવેલા પૈસાનુ રોકાણ કર્યું. અને આજે તેઓ સારી એવી આવક ઊભી કરી રહ્યા છે.અને 7 થી 8 કામદારો ત્યાં કામ કરે છે. સોનુબેનના ઘરે બધા જ લોકો નોકરીયાત વર્ગના છે અને છતાં એમને પોતાના ધંધા માટેનાં પ્રેમના લીધે બધાથી અલગ કામ કર્યું અને એમાં સફળ થયા છે.