Mehsana: પેટ ભરીને પાણીપુરી ખાવી હોય તો અહીં પહોંચી જજો! માત્ર 79 રૂપિયામાં મળે અનલિમિટેડ

Rinku Thakor, Mehsana: પાણીપૂરી ગુજરાતમાં જ નહીં પરંતુ સમગ્ર દેશમાં સૌથી વધારે લોકપ્રિય છે. એમાંય ગુજરાતનાં લોકોનો પાણીપૂરી પ્રતે પ્રેમ અલગ જ છે. ત્યારે મહેસાણાના 21 વર્ષના નીલેશભાઇએ જાતે પગભર થવા પાણીપુરીનો ધંધો શરૂ કર્યો.

નીલેશભાઇએ 2 વર્ષ પહેલાં સ્ટાર્ટઅપ ચાલુ કર્યું. અનેક મુશ્કેલીઓ વચ્ચે આજે તેઓ શારૂ કમાવવાનું પ્રયત્ન કરી રહ્યા છે.તેઓની મહેનત રંગ લાવી રહી છે. લોકો તેઓની પાણીપુરી ખાવા લાંબી લાંબી લાઈનો લગાવે છે.

પહેલા નિલેશભાઈ અમદાવાદમાં ફૂડનાં ધંધા સાથે સંકળાયેલા હતાં. પછી મહેસાણામાં આ સ્ટાર્ટઅપ શરૂ કર્યું. તેઓ હાલ સેવપુરી, દહીંપુરી ,પાણીપુરી અને ભેળ વેચે છે. એમના ઘરના બધા સભ્યો સાથે મળીને આ કામ કરે છે.તેઓ બપોરના ત્રણથી લઈને સાંજે 8.30 વાગ્યા સુધી ત્યાં ઊભા રહીને ધંધો કરે છે.

મહેસાણામાં પ્રથમ ફાયર પાણીપુરી અને ચોકલેટ પાણીપુરીનું ફલેવર બહાર પાડયું હતું, આ ઉપરાંત તેઓ સેવપુરી, દહીંપુરી, ચટણીપૂરીની રૂપિયા 79માં અનલિમિટેડ ઓફર પણ ચલાવે છે. એક પ્લેટ પાણીપુરી ફકત રૂપિયા 20માં વેચે છે. તેઓ રાધનપુર રોડ ઉપર ચૂડેલ માતાજીના મંદિરે ઉભા રહે છે.

નિલેશભાઇએ જણાવ્યું હતું કે, જયારે તમે તમારી મરજીનું કામ કરો ત્યારે તકલીફ તો પડે જ. પરંતુ મારા જોડે મારા બધા ઘરના સભ્યોનો સાથ છે અને હું મારા ગ્રાહકને સારી ક્વોલિટી અને ટેસ્ટ આપુ છું. જેથી લોકો ફરીને મારી સ્ટોલ પર આવે છે.