કડીઃ બંદૂક જમા કરાવવા માટે જવાનું કહીને નીકળેલા ખેડૂતે ખેતર પાસે કારમાં જાતને ગોળી મારી કરી આત્મહત્યા

કેતન પટેલ, મહેસાણાઃ મહેસાણા જિલ્લાના (Mehsana news) કડીમાં એક આત્મહત્યાની (suicide) ચકચારી ઘટના બની હતી. અહીં એક ખેડૂતે પોતાની લાયસન્સ વાળી બંદૂક (Licensed gun) પોલીસ સ્ટેશનમાં જમા કરાવવા જવાનું કહીને નીકળ્યા હતા. અને પોતાના ખેતર પાસે જ પોતાની કારમાં જાતને ગોળી મારીને આત્મહત્યા (Suicide by gun shooting) કરી લીધી હતી. ઘટનાની જાણ થતાં પોલીસ સ્થળ ઉપર દોડી આવી હતી. ઘટનાથી સમગ્ર વિસ્તારમાં ચકચાર મચી ગઈ હતી.

ઘટના અંગે મળતી માહિતી પ્રમાણે કડીના ધરતી સિટીમાં રહેતા પટેલ પરેશ કુમાર ઉર્ફ અજિત ચંદુભાઈ નામના વ્યક્તિ પોતાની ગાડી લઈને બપોરના સમયે ઘરે પડેલી બંદૂક લઈને ખેતરમાં જવાનું કહી નીકળ્યા હતા અને પોતાના જ ખેતર પાસે પોતાની બંદૂક વડે આત્મહત્યા કરી લીધી હોવાની ઘટના પ્રકાશમાં આવી છે.

ઘટનાની જાણ થતાં લોકોના ટોળેટોળાં ઉમટી પડ્યા હતા તેમજ કડી પોલીસ ઘટના સ્થળે દોડી આવી તપાસ શરૂ કરી હતી. બંદૂક પોલીસ મથકમાં જમા કરાવવા જાઉં છું એમ કહી ઘરેથી નીકળ્યા મૃતક પરેશભાઈ પોતાના ઘરેથી બપોરના બે વાગ્યાના આસપાસ પોતાના ઘરે પડેલી બંદૂક લઈને ખેતરમાં જવાનું કહી નીકળ્યા હતા જ્યાં પરિવારના લોકોને બંદૂક પોલીસ મથકમાં જમા કરાવવા જાઉં છું એમ કહી પોતાની ગાડી લઈને નીકળ્યા હતા.

મૃતકે કડી પાસે આવેલ આદુદરા થી દેઉસણા ગામ તરફ જતી કેનાલ પર પોતાની ગાડીમાજ પોતાની પાસે રહેલી લાયસન્સ વાળી બારબોરની બંદૂકથી છાતીના ભાગે ગોળી ચલાવીને આત્મહત્યા કરી હોવાની હાલમાં પ્રાથમિક વિગતો પ્રકાશમાં આવી છે.

ઘટનાની જાણ થતાં સમગ્ર મામલે કડી પોલીસને જાણ થતાં પોલીસ ઘટના સ્થળે દોડી આવી હતી જ્યાં કડી પોલીસ કાફલો ઘટના સ્થળે આવી તપાસ ચાલુ કરી હતી અને વધુ તપાસ એફ.એસ.એલ.ટીમ દ્વારા પણ હાથ ધરવામાં આવનાર છે.