મહેસાણા : કાર ચાલકો પેસેન્જર બેસાડતા પહેલાં ચેતજો! વેપારીને બંદૂક બતાવી 20 લાખ સાથે ગાડીની લૂંટ

કેતન પટેલ, મહેસાણા : જો તમે તમારી પોતાની કાર (Car) લઈને જતા હોવ અને સાથે કિંમતી માલ સામાન રાખ્યો હોય તો પેસેન્જર (Passenger)બેસાડવાની ભૂલ ક્યારેય ન કરતા. ગાંધીનગરના (Gandhinagar) એક વેપારીને (Businessman) આ ભૂલ 20 લાખમાં પડી છે. એટલું જ નહીં ગાડી પણ ગુમાવવાનો વારો આવ્યો છે. મહેસાણા જિલ્લાના ઐઠોર (Aithor GIDC) પાસે આજે બંદૂકની (Gun) અણીએ એક કાર ચાલકની લૂંટ (20 Lakhs loot) થઈ છે. જોકે, લૂંટ ચલાવનારા અન્ય કોઈ નહીં પરંતુ તેની કારના જ પેસેન્જરો (car passenger) નીકળ્યા છે. આ ઘટના જાણીને પોલીસનો (Police) કાફલો દોડી ગયો અને ઘટના સ્થળેથી તપાસ શરૂ કરી છે.

બનાવની વિગતો એવી છે કે એક કાર ચાલક પોતાની કાર લઈને નીકળ્યા હતા. તેમણે અડાલજત પાસેથી ત્રણ મુસાફરોને કારમાં ભાડાની લાલચમાં બેસાડ્યા હતા. જોકે, આ કાર ચાલકને ખબર નહોતી કે જે લોકો આ કારમાં બેસી રહ્યા છએ તે લૂંટારૂઓ છે. આ લૂંટારૂઓએ જેવી કાર શરૂ થઈ એટલે પોતાનો પ્લાન શરૂ કરી દીધો હતો.

ગાંધીનગરના સરગાસણ ખાતે રહેતા અને જિરાના કમિશન એજન્ટ તરીકે કામ કરતા વેપાર આજે પોતાની કાર લઈને બનાસકાંઠા જવા નીકળ્યા હતા. દરમિયાન તેમણે અડાલડ ચોકડીથી ત્રણ શખ્સોને લીફ્ટ આપી હતી. આ પૈકીના બે પાછળની સીટ પર અને એક આગલી સીટે બેસેલો હતો.

દરમિયાન ઊંઝા વિસનગર હાઇવે પર ફતેપુરા પાસે એક શખ્સે ઉલટી થઈ રહી હોવાનું બહાનું કરી અને કાર રોકાવી હતી અને ત્યારબાદ વેપારીને બંધક બનાવી અને બંદૂકની અણીએ કારને ઐઠોર GIDC બાજુ હંકારી ગયા હતા. અહીંયા તેમણે વેપારીની ડેકી ખોલતા 20 લાખની રોકડ ભરેલા થેલાની લોટરી લાગી હતી.

આ લૂંટારૂઓ કારનો સામાન રસ્તા પર ફેંકી અને રોકડ 20 લાખ રૂપિયા અને કાર લઈને નાસી ગયા હતા. ઘટનાની જાણ થતા મહેસાણા પોલીસનો કાફલો બનાવવાળી જગ્યાએ પહોંચી ગયો હતો અને અને લૂંટને અંજામ આપનારા લૂંટારૂઓની ટેકનિકલ સર્વેલન્સના આધારે ભાળ મેળવવાની શરૂ કરી હતી.