Mehsana: પશુ-પંખીઓની આવી સેવા તમે ક્યાંય નહીં જોઈ હોય, આ યુવાન આટલા વર્ષથી કરે છે પ્રશંસનિય કામગીરી

Rinku Thakor Mehsana: મહેસાણા પાંચોટ સ્થિત આવેલી શિવગંગા એનીમલ હેલ્પલાઇન દ્વારા અબોલા ઘાયલ પ્રાણી અને પક્ષીઓને સારવાર અપાય છે અને રહેવા માટે આશરો અપાય છે. 2011માં બળવંતભાઈ આચાર્ય અને શિવગંગા એનીમલ હેલ્પલાઇનની શરૂઆત કરી હતી.

આજે મહેસાણામાં બાર વર્ષ પૂરા થઈ ગયા છે. બાર વર્ષથી મહેસાણામાં કાર્યરત છે. અબોલ પીડીત પશુઓ અને પક્ષીઓ માટે કામ કરે છે. અહીં લગભગ 12 જેટલા કર્મચારીઓ કામ કરે છે. જેમાં ત્રણ જેટલા વેટરનરી ડોક્ટર પણ છે, જે 24 કલાક પશુ અને પક્ષીઓની સેવા માટે હાજર રહે છે. જ્યાં હાલ 150 જેટલા કબુતર, 150 જેટલી ગાયો અને સાથે સાથે મોર, બગલા, નીલગાય અને ગધેડા પણ ત્યાં સારવાર લે છે .

અહીં રોજનું લગભગ 20 કિલો ચણ અને બીજા પક્ષીઓ માટે સેવ અને ગાંઠિયા પણ અપાય છે અને પશુઓને 70થી 80 કિલો ખાણ રોજનું અપાય છે. તદુપરાંત રાત્રિ માટે રોટલા પણ બનાવવામાં આવે છે અને સવારે શ્વાન અને ગાયો માટે 70થી 80 કિલો જેટલો શીરો રોજ નો બનાવવામાં આવે છે.

ઉતરાયણના દિવસે મહેસાણા શહેરમાં 21 જેટલા સેન્ટર બનાવવામાં આવે છે જેમાં લોકો પાસેથી પશુ અને પક્ષીઓ માટે દાન એકત્રિત કરવામાં આવે છે, જે પશુઓ માટે વપરાય છે અને ગત ઉતરાયણએ અહીં લગભગ 81 જેટલા કબુતર અને બીજા પક્ષી ની સારવાર કરવામાં આવી હતી,

જે પતંગના દોરાથી ઘાયલ થયા હતા. જેમા સમગ્ર મહેસાણા જિલ્લાના લોકોએ દાન પણ અપાપુ હતું. જ્યાં ઘાયલ પક્ષીઓ સારવાર માટે આવે છે અને જ્યારે એ સ્વસ્થ થઈ જાય ત્યારે તેમને પર્યાવરણમાં છોડી દેવામાં આવે છે.