Mehsana: ખેડૂતે પારંપારીક ખેતી છોડી કરી પપૈયાની ખેતી, આવક થઈ ગઈ બમણી

Rinku Thakor, Mehsana: મહેસાણાનાં ખેરવા ગામનાં ખેડૂત મુકેશભાઇ પટેલ પપૈયાની ખેતી કરી રહ્યાં છે. મુકેશભાઇ છેલ્લા બે વર્ષથી પપૈયાની સફળ ખેતી કરી રહ્યાં છે.

મુકેશભાઇ પારંપારીક ખેતી કરતા હતાં. આ ખેડૂતે પારંપારીક ખેતી છોડીને બાગાયતી ખેતી તફર વળ્યાં છે અને 10 વીઘામાં પપૈયાનું વાવેતર કર્યું છે અને બમણી આવક મેળવી રહ્યાં છે.

મુકેશભાઇ જણાવ્યું હતું કે, પપૈયાનાં છોડનો વિકાસ થતો હોય ત્યારે 15 દિવસે પાણી જોઇએ. જયારે પપૈયાની આવક શરૂ થયા બાદ પાણીની જરૂર ઓછી રહે છે.

 તેમજ શરૂઆતમાં છાણિયું ખાતર, ડીએપી અને એનપીકે ખાતર આપવામાં આવ્યું હતુ. સમગ્ર પાકમાં ત્રણવાર ખાતર આપવામાં આવ્યું છે. તેમજ પપૈયાનાં પાકમાં બીજા કરતા ઓછી માવજત કરવી પડે છે.

મુકેશભાઇ પટેલે જણાવ્યું હતું કે, છેલ્લા ત્રણ વર્ષથી પપૈયાની ખેરી કરું છું. એક છોડમાંથી ત્રણ થી ચાર મણ પપૈયા ઉતરે છે.

સિઝનમાં સારા ભાવ મળે છે. ગત સિઝનમાં એક મણાનાં 40 રૂપિયા મળ્યાં હતાં. પપૈયાની ખેતીનો ખર્ચ કાઢતા બમણી આવક થાય છે.