Vadodara: ડ્રોઈંગ અને પેન્ટિંગ મારફતે બાળકોએ રજૂ કર્યા પોતાના વિચારો; જૂઓ પેઈન્ટિંગ

Nidhi Dave, Vadodara: વડોદરા શહેરમાં ઘણી સામાજિક સંસ્થાઓ કાર્યરત છે. તથા સામાજિક સંસ્થાઓ દ્વારા તહેવારોને લઈને તથા સમાજને લઈને કાર્યક્રમો કરવામાં આવતા હોય છે. ખાસ કરીને બાળકોનો વિકાસ જેમાં સૌથી સારો થઈ શકતો હોય તથા બાળકો પોતાનો વિચારો રજૂ કરી શકતા હોય એવી પ્રવૃત્તિઓ હાથ ધરવામાં આવતી હોય છે. જેમાં સ્ફિહા એનજીઓ દ્વારા વર્ષ 2006 થી દર વર્ષે આંતરરાષ્ટ્રીય ડ્રોઈંગ અને પેન્ટિંગ સ્પર્ધાનું આયોજન કરવામાં આવે છે.

ત્યારે આ વર્ષે નિઝામપુરા ખાતે આવેલા સમાજ સુરક્ષા સંકુલ ખાતે યોજાયેલી 17 મી આંતરરાષ્ટ્રીય ડ્રોઈંગ અને પેન્ટિંગ સ્પર્ધામાં શહેરના 70 જેટલા વિદ્યાર્થીઓએ ભાગ લીધો હતો. જેમાં શહેરની અનેકવિધ શાળાના બાળકો અને વિવિધ સંસ્થાના વિકલાંગ-બાળકોનો સમાવેશ થાય છે.

આ સાથે આ સ્પર્ધામાં વિશ્વભરના 400 સ્થળોએથી 21,000 થી વધારે બાળકો પર્યાવરણ વિષય પર તેમના વિચારો કેન્વાસ પર કંડાર્યા હતા.કાર્યક્રમ વિશે માહિતી આપતા સોસાયટી ફોર પ્રિઝરવેશન ઓફ હેલ્ધી એનવાયરમેન્ટ

એન્ડ ઈકોલોજી ( સ્ફિહા )ના બરોડા ચેપ્ટરના બ્રાંચ સેક્રેટરી પરમ સારસ્વતે જણાવ્યું હતું કે, રાધા સ્વામી સત્સંગ ભવન, શેરખી દ્વારા પાંચ કેટેગરીમાં ડ્રોઈંગ અને પેઈન્ટિંગ સ્પર્ધાનું આયોજન કરાયું હતુ.

આ સ્પર્ધામાં એ ગ્રુપમાં ચારથી ઓછી વયના બાળકોએ, જુનિયર કેટેગરીમાં 9 થી 12 વર્ષના વિદ્યાર્થીઓ, સિનિયર કેટેગરીમાં 13 થી 16 વર્ષના વિદ્યાર્થીઓએ અને સુપર સિનિયર કેટેગરીમાં 17 થી વધુની વયના લોકોએ પર્યાવરણની જાળવણી, તેની ગુણવત્તા, સસ્તું અને સ્વચ્છ ઉર્જા, એગ્રોઇકોલોજી,

પાણી હેઠળનું જીવન વગેરે વિષય ઉપર આધારીત ડ્રોઇંગ્સ, પેઇન્ટિંગ્સ, કાર્ટૂન, ડૂડલ્સ, સ્કેચ, પોસ્ટર્સ તથા ડિજિટલ આર્ટવર્ક બનાવ્યા હતા. પ્રત્યેક કેટેગરીના વિજેતાઓને 20 નવેમ્બરના રોજ ઈનામ આપીને પુરુસ્કૃત કરવામાં આવશે. આ સાથે પ્રત્યેક પ્રતિભાગીને પ્રમાણપત્ર પણ અપાશે.