વડોદરા : હરિપ્રસાદ સ્વામીના ઉત્તરાધિકારી કોણ, શું સ્વામીજીએ સૂચવ્યું હતું કોઈ સંતનું નામ?

અંકિત ઘોનસિકર, વડોદરા : યોગી ડિવાઇન સોસાયટીના સ્થાપક અને સોખડા સ્વામિનારાયણ સંપ્રદાયના (sokhda Hariprasad Swami) વડા હરિપ્રસાદ સ્વામી વૈકુંઠનિવાસી થયા છે. સોખડામાં લાખોની સંખ્યામાં હરિભક્તો અને સત્સંગીઓ સ્વામીજીના અંતિમ દર્શને આવી રહ્યા છે. ગુરૂમહારાજના અંતિમ દર્શનની સાથે સૌ હરિભક્તોને હવે એક પ્રશ્ન છે કે તેમનું માર્દર્શન હવે પછી કોણ કરશે. (સ્વામી હરિપ્રસાદના દિવ્ય અંતિમ દર્શનની ખાસ તસવીર)

સોખડા હરિધામના દેશ-વિદેશમાં અનેક સાધુઓ આ કાર્યને આગળ ધપાવી રહ્યા છે ત્યારે કેટલાય ભક્તોની રાહ હવે કોણ ચિંધશે તેની ચર્ચા શરૂ છે. જોકે, આ દરમિયાન સોખડાના સ્વામી ત્યાગ વલ્લભજીએ પત્રકારો સાથે આ અંગે થઈ રહેલી અટકળો અંગે કેટલી સ્પષ્ટતા કરી હતી જે હરિભક્તોને જાણવી ગમશે.

સ્વામી ત્યાગવલ્લભે જણાવ્યું કે 'ગુરુ હરિપ્રસાદ સ્વામીની એ રીતભાત હતી કે તેઓ બધાને સાથે રાખીને નિર્ણ કરતા, આ પરંપરા તેમના સદેહે ન હોવાની સ્થિતિમાં પણ જળવાઈ રહેશે. આગામી દિવસોમાં અમારા વડિલ સંતો સાથે મળી અને મંથન કરશે ત્યારબાદ આ જવાબદારી કોને સોંપવી તે નક્કી થશે હરિભક્તો

મીડિયાના અહેવાલમાં સ્વામી ત્યાગવલ્લભનું નામ પણ અગ્રેસર છે અને વડીલ સંત પ્રેમસ્વરૂપદાસ સ્વામીનું નામ પણ છે ત્યારે એવી ચર્ચા છે કે સ્વામી હરિપ્રસાદ પોતાના ઉત્તરાધિકારીનું નામ સૂચવી ચુક્યા હતા. તેમણે વૈકુંઠ પ્રસ્થાન કરતા પહેલાં આ કાર્ય સમાપ્ત કરી લીધું હોવાની સત્સંગીઓમાં અટકળો છે.

જોકે, આ અંગે સ્વામી ત્યાગવલ્લભ કહે છે કે 'હું મીડિયાના મિત્રોને કરબધ્ધ વિનંતી કરું છું કે મારું નામ ક્યાંય નથી અને હું આટલી મોટી જવાબદારી નિભાવવા સક્ષમ પણ નથી. આ અંગેનો નિર્ણય યથા યોગ્ય સમયે થશે અને સૌને જાણ કરવાાં આવશે.

પરમ પૂજ્ય હરિપ્રસાદ સ્વામીજી (last darshan of Hariprasad Swamiji) મહારાજનાં અંતિમ દર્શન માટે લાખો ભક્તોનો પ્રવાહ અવિરત ચાલુ છે. સમાજના વિવિધ વર્ગના શ્રેષ્ઠીઓ પણ પરમ પૂજ્ય સ્વામીજીના દિવ્ય વિગ્રહનાં દર્શન કરીને શ્રધ્ધાંજલિ આપવા મોટી સંખ્યામાં ઉમટી રહ્યા છે. તા. 31 સુધી અંતિમ દર્શન ચાલુ રહેશે. તા. ૧ ઓગસ્ટે બપોરે 2.00 કલાકે હરિપ્રસાદ સ્વામીજી મહારાજની અંત્યેષ્ટિ (last ritual) થશે.