લોકડાઉનમાં વડોદરામાં નવતર પ્રયોગ બાળકો માટે ઓનલાઈન ચિત્ર સ્પર્ધા, વિષય પણ 'Lockdown'

સમગ્ર દેશમાં 21 દિવસનું લોકડાઉન છે તેવા સંજોગોમાં લોકોને ઘરમાં બેઠા બેઠા અકળામણ થઈ રહી છે. ખાસ કરીને બાળકોને બાગ-બગીચામાં રમવા જઈ શકતા નથી ત્યારે આવી પરિસ્થિતિમાં વડોદરાના ભાયલીમાં આવેલ સ્કાય સોસાયટીના એક અગ્રણીએ એક નવો અને સર્જનાત્મક માર્ગ શોધી કાઢ્યો છે. એ પણ સરકારનો એક પણ નિયમ-માર્ગદર્શિકા તોડ્યા વગર! (ફરિદ ખાન, વડોદરા)

સ્કાય સોસાયટીના અગ્રણી કહે છે કે, લોકડાઉનની પરિસ્થિતિમાં ખાસ કરીને બાળકો ઘરે બેઠા બેઠા કંટાળી ગયા છે ત્યારે તેને સર્જનાત્મક આયામ આપવાનો પ્રયાસ કરી રહ્યા છીએ.

એક ઓનલાઈન એપ્લિકેશન માધ્યમથી ઘર બેઠા જ ડ્રોઈંગ સ્પર્ધાનું આયોજન કરવામાં આવ્યું છે. જેમાં બાળકો એક કલાક લાઈવ થશે અને ડ્રોઈંગ બનાવશે. તેમના ઉપર નિરીક્ષણ રાખવામાં આવશે.

ખાસ બાબત એ છે કે ડ્રોઇંગનો વિષય પણ 'લોકડાઉન' જ છે. આ સ્પર્ધા ત્રણ એજ ગ્રુપમાં આયોજન કરવામાં આવી છે. જેમાં લોકોનો પણ સારો પ્રતિસાદ મળી રહ્યો છે, હાલ 200 કરતા પણ વધારે સ્પર્ધાકો અમારી સાથે જોડાયા છે.

આમ, તમામ સ્પર્ધકોના ડ્રોઈંગ તપસ્યા બાદ વિજેતા જાહેર કરવામાં આવશે. વધુમાં તેમણે કહ્યું કે, લોકડાઉનના સમયમાં એક સર્જનાત્મક આયામ આપવાનો એક નાનકડો પ્રયાસ છે, અન્ય લોકો પણ આવા કોઈ પ્રયાસ - પ્રયોગ કરી શકે છે.