IBની ચેતવણી, આતંકીઓનો હવે સ્ટેચ્યૂ ઓફ યુનિટીને બોમ્બથી ઉડાડવાનો પ્લાન

જમ્મુ-કાશ્મીરના પુલવામામાં સીઆરપીએફના કાફલા પર હુમલો થયાની ઘટના લોકોના મનમાં હજુ ભુલાતી એવામાં સ્ટેચ્યુ ઓફ યુનિટી પર હુમલો થવાની આઈબીની ચેતવણીથી રાજ્યનું સુરક્ષા તંત્ર એલર્ટ થઈ ગયું છે.

પ્રાપ્ત માહિતી અનુસાર, આઈબી દ્વારા ચેતવણી આપવામાં આવી છે કે, આતંકવાદીઓની નજર હવે દુનિયાના સૌથી મોટા સરદાર પટેલના સ્ટેચ્યુ પર છે. આઈબીએ ચેતવણી જાહેર કરી છે કે, આતંકવાદીઓ ગુજરાતના કેવડીયા ખાતે સ્ટેચ્યુ ઓફ યુનિટિને મલ્ટીપલ બોમ્બ બ્લાસ્ટ કરી ઉડાવી દેવી દહેશત છે.

પુલવામામાં આતંકી હુમલા બાદ ગુજરાતમાં ખાસ એલર્ટ આપવામાં આવ્યું છે. આતંકીઓનો અગામી પ્લાન સ્ટેચ્યુ ઓફ યુનિટી ઉડાડવાનો છે. જેને પગલે કેવડીયા ખાતે સ્ચેચ્યુ ઓફ યુનિટી અને સરદાર સરોવર ડેમની સુરક્ષા વધારી દેવામાં આવી છે. પોલીસ દ્વારા સતત પેટ્રોલીંગ કરવામાં આવી રહ્યું છે.

સ્ટેચ્યુ ઓફ યુનિટીનર લઈને આતંકી હુમલાને લઈને srpની નર્મદા બટાલીયન અને નર્મદા પોલીસ કોઈ પણ પડકારનો સામનો કરવા સજ્જ કરી દેવામાં આવી છે. srp નર્મદા બટાલિયનનાં એડયૂજન્ટ ( dysp ) ચિરાગ પટેલે જણાવ્યું કે, srp કેવડિયા અને નર્મદા પોલીસ અને ગોંડલ srpની 1 બટાલિયન ડેમ વિસ્તાર અને યુનિટી પર સુરક્ષા માટે એલર્ટ છે. ડિસેમ્બર 2012 થી srp કેવડિયા ગ્રુપની સ્થાપના ડેમ સંલગ્ન વિસ્તારની સુરક્ષા ઉભી કરાઈ છે, અને ઓકટોમ્બર 2018 બાદ યુનિટીની સુરક્ષા પણ srp કેવડિયા અને નર્મદા પોલીસને આધીન કરાઈ છે. 1000 જવાનો ખડેપગે છે. જો કે, પુલવામાં હુમલા બાદ તુરંત જ એક્શનમાં આવીને સુરક્ષા મજબૂત કરાઈ છે.

તમને જણાવી દઈએ કે, ગુજરાતમાં કેવડીયા કોલોની ખાતે સ્ટેચ્યુ ઓફ યુનિટીનું નિર્માણ કરવામાં આવ્યું છે. સરદાર પટેલની આ પ્રતિમા 182 મીટર ઊંચી છે, જે દુનિયાની સૌથી મોટી પ્રતિમા છે.