Vadodara થી SOU સુધીની સાયકલ યાત્રા, 182 સાયકલિસ્ટ યાત્રામાં કેમ જોડયા?, જવાબ રસપ્રદ

Nidhi Dave, Vadodara: લોકો હવે સ્વાસ્થ્યને પ્રાથમિકતા આપી રહ્યા છે. પોતાના સ્વાસ્થ્યની કાળજી રાખવા માટે સાયકલિંગ, સ્વિમિંગ, દોડવું, વગેરે જેવી પ્રવૃત્તિઓ કરતા હોય છે. વડોદરા શહેરના સાયકલ ગ્રુપ દ્વારા વડોદરાથી સ્ટેચ્યુ ઓફ યુનિટી સુધી સાયકલ યાત્રાનું આયોજન કરવામાં આવ્યું હતું. સ્ટેચ્યુ ઓફ યુનિટી પેડલિંગ, ફીટનેસ અને દરેક સાયકલ સવારની ડ્રીમ રાઈડ, જે આપણા વડાપ્રધાન નરેન્દ્ર મોદીથી પ્રેરિત છે જેમનું મિશન છે \"સ્વચ્છ ભારત\", \"ગ્રીન ઈન્ડિયા\" અને \"ફિટ ઈન્ડિયા\" હમ ફિટ તો ઈન્ડિયા ફિટના સંદેશા સાથે આ રાઈડનું આયોજન કરવામાં આવ્યું.

સ્ટેચ્યુ ઓફ યુનિટી સુધી પેડલિંગ4 ફિટનેસ એન્ડ્યોરન્સ રાઈડમાં 182 જેટલા સાયકલીસ્ટ જોડાયા હતા. ગણતંત્ર સપ્તાહની ઉજવણીના ભાગરૂપે આ આયોજન કરવામાં આવ્યું હતું.

 આ રાઈડનો રૂટ વડોદરાની કપુરાઈ ચોકડીથી SOU થી સૂલપાણેશ્વર મંદિરથી નર્મદા ઘાટ અને પાછા વડોદરા કપુરાઈ ચોકડી. કપુરાઈ ચોકડીથી SOU અને પાછા SOU સુધી લગભગ 182 કિમી સાયકલિંગ કર્યું હતું. સ્ટેચ્યુ ઓફ યુનિટીની ઊંચાઈ 182 મીટર હોવાને કારણે 182 સાયકલિસ્ટ અને 182 કિલોમીટર સાયકલ યાત્રાનું આયોજન કર્યું હતું.

આ રાઈડનો ધ્યેય નિયમિત નાના અંતરના સાયકલ સવારોને લાંબા અંતરની સવારી અને સહનશક્તિને પ્રોત્સાહિત કરવાનું હતું. આ રાઈડમાં ઘણા નવા રાઈડર્સ જોડાયા અને સફળતાપૂર્વક 182/200 કિમીની રાઈડ પૂરી કરી હતી. જેમાં વિવિધ વય કેટેગરીના તમામ પુરૂષ, મહિલા (20-65 વય)નો સમાવેશ થાય છે.

રાઇડર્સને કીટના ભાગ રૂપે બેગ, સાયકલીંગ ટ્રાઇ રંગીન જર્સી, ઓઆરએસ સેચેટ્સ, જેલ અને રાઇડર ટેગ આપવામાં આવ્યા હતા. તેઓને રૂટ પર સંપૂર્ણ સહકાર અને મદદ આપવામાં આવી હતી. સમગ્ર રાઈડ દરમિયાન રૂટ પર 5-6 કાર અને 3-4 બાઇક હાજર રહી. ઐતિહાસિક અને સાહસિક સાયકલ યાત્રાનું આયોજન કરવામાં આવ્યું, જેમાં વડોદરા શહેરના સાયકલિસ્ટઓ ખૂબ જ ઉત્સભેર ભાગ લીધો.