corona Update: આજે અમદાવાદ અને વડોદરાને બાકાત કરતા આખા ગુજરાતમાં ક્યાંય કોરોના કેસ નહીં

Gujarat Corona Update: રાજ્યમાં 19મી મેની સાંજે કોરોના વાયરસના નવા કેસની (Gujarat Covid Cases on 17-5-2022) સ્થિતિ જોતા એક્ટિવ કેસનો આંકડો (gujarat Coronavirus Cases) સતત વધતો જોવા મળી રહ્યા છે. રાજ્યમાં એક સમયે 100ની નીચે સરકી ગયેલા એક્ટિવ કેસ હવે ફરી 200ની પાર થઈ ગયા છે. જોકે કાજ્યમાં છેલ્લા 24 કલાકમાં પોઝિટિવ કેસ ઘટ્યા છે. રાજ્યમાં આજે 19મી મેની સાંજે કોરોના વાયરસના નવા 19 કેસ નોંધાયા છે. જોકે રાજ્યમાં આજે અમદાવાદ શહેર-જિલ્લો અને વડોદરા શહેર સિવાય ક્યાંય બીજે કોરોનાનો કેસ નોંધાયો નથી.

રાજ્યમાં આજે 19મી મેની સંધ્યાએ અમદાવાદ શહેરમાં 12, વડોદરા શહેરમાં 06 અને અમદાવાદ જિલ્લામાં 01 મળી અને કુલ 19 નવા કેસ નોંધાયા છે. આ ઉપરાંત રાજ્યના કોઈ પણ શહેર જિલ્લામાં કોરોનાના એક પણ નવા કેસ નોંધાયા નથી. જે એક રાહતના સમાચાર છે.

રાજ્યમાં આજે 19મી મેની સાંજે કુલ 27 દર્દીઓ સાજા થતા તેમને રજા આપવામાં આવી છે. આ દર્દીઓમાં અમદાવાદ શહેરમાં 19, વડોદરા શહેરમાં 02, આણંદ, અરવલ્લી, ભરૂચ, ગાંધીનગર કોર્પોરેશન, મોરબી, જામનગરમાં 1-1 મળીને કુલ 27 દર્દીઓ સાજા થયા છે.

રાજ્યમાં આજે કુલ 35,734 વ્યક્તિઓનું રસીકરણ થયું છે. રાજ્યમાં રસીકરણનો કુલ આંકડો વધી રહ્યો છે. રાજ્યમાં અત્યારસુધીમાં 10,84,75,771 ડોઝ આપવામાં આવ્યા છે.

રાજ્યમાં આજે એક્ટિવ કેસનો આંકડો 204 છે, રાજ્યમાં કુલ 00 દર્દી વેન્ટિલેટર પર છે. રાજ્યમાં કુલ 204 દર્દી સ્ટેબલ છે. રાજ્યમાં ડિસ્ચાર્જ થયેલા દર્દઓની સંખ્યા 12,13,685 છે. આ ઉપરાંત રાજ્યમાં મૃત્યુની સંખ્યા 10,944 છે.