દાહોદ : મહિલાએ પ્રેમીને આપી દીધું હતું સોનું, પતિએ પૂછતાં રચ્યું 32 લાખની લૂંટનું નાટક

સાબિર ભાભોર, દાહોદઃ દોદના ગોવિંદ નગરમાં 9મી નવેમ્બર એક લૂંટની (Dahod Loot) ફરિયાદ સામે આવી હતી. ઘટનામાં રેલવે અધિકારીની (Railway Officer) પત્ની બાળકોને ઘરે મૂકીને ગઈ ત્યારે તેમના ઘરે લૂંટ થઈ હોવાની ફરિયાદ નોંધાઈ હતી. ફરિયાદમાં 30 લાખના દાગીના અને 2 લાખ રૂપિયાની રોકડની લૂંટ થઈ હોવાનું સામે આવ્યું હતું. જોકે, આ ઘટનામાં પોલીસે તપાસ કરતા ફરિયાદની પત્નીએ દાગીના પ્રેમીને આપી દીધા હતા અને પતિએ માંગતા લૂંટનો પ્લાન ઘડ્યો હતો. આમ પત્નીના પ્લાનના વટાણા વેરાઈ જતા દાહોદ પોલીસ નીલુસિંહ નામની મહિલા સામે પોલીસને ખોટી માહિતી આપવાની ફરિયાદ નોંધી છે.

દાહોદના એએસપીએ આ મામલે જણાવ્યું કે 'આ લૂંટના ગુનામાં પોલીસની ટીમ કામ કરી રહી હતી ત્યારે પોલીસે જ્યારે સીસીટીવી અને હ્યુમન ઇન્ટેલિજન્સના મારફતે તપાસ કરી તો શંકાની સોય ફરિયાદી રાકેશસિંહની પત્ની નિલુ સિંહ પર ગઈ હતી. પોલીસે તેનું ઇન્ટ્રોગેશન કરતા તેણે કબૂલ કર્યુ કે તેણે ગત વર્ષે પોતાની તમામ જ્વેલરી અને રોકડ 2 લાખ રૂપિયા તેના પ્રેમી બિટ્ટુ ઉર્ફે દવેશ મહેન્દ્રસિંહ નાયકને આપી દીધા હતા.

બાદમાં લૂંટારૂઓએ પાણીની માંગ કરી હોવાનું જણાવ્યું હતું અને ઘરમાં ઘૂસીને લૂંટ મચાવી હતી. અને 30 લાખ રૂપિયાની કિંમતના દાગીના અને 2 લા4ખ રૂપિયાની રોકડ લૂંટી અને જતા રહ્યા હતા.

ત્યારે પાણીની માંગ કરતા બાળકીએ થોડોક દરવાજો ખોલી પાણી આપવા હાથ લંબાવતા જ લૂંટારાઓએ બાળકી ને ધક્કો મારી અંદર પ્રવેશી ગયા હતા અને બંને બાળકોને માર મારી બાનમાં લઈ લીધા હતા.

દાહોદ પોલીસની તપાસમાં આ સમગ્ર ઘટના તથાકથિત બહાર આવી હતી. પોલીસે ફરિયાદીની પત્નીની પુછપરછ કરતા તેણે ગત વર્ષે પ્રેમીને સોનું અને રોકડ આપી દીધું હોવાની કબૂલાત કરી હતી. પોલીસે આ મામલે પ્રેમીની તપાસ શરૂ કરી છે.