ગોધરા : ટ્રક ચાલકે બાઇક સવાર દંપતિને અડફેટે લીધું, પતિની નજર સામે પત્નીનું મોત

રાજેશ જોષી, પંચમહાલ : પંચમહાલના જિલ્લા મથક ગોધરા ખાતે આજે બપોરે એક કરૂણ ઘટના ઘટી હતી. અહીંયા એક બાઇક સવાર દંપતિને ટ્રકની અડફેટે અકસ્માત નડી ગયો હતો. અકસ્માતમાં વિંજોલ ગામના રહેવાસી મહિલાનું ઘટના સ્થળશે મોત નીપજ્યું હતું જ્યારે તેમના પતિને સારવાર માટે હૉસ્પિટલમાં ખસેડવામાં આવ્યા હતા.

બનાવની વિગત એવી છે કે શહેરા તાલુકામાં આરોગ્ય કર્મી તરીકે ફરજ બજાવતા મહિલા અને તેના પતિ પોતાના ગામથી ગોધરા તરફ આવી રહ્યા હતા ત્યારે ભામૈયા હરાડ પર સિમલા કબાડી માર્કેટ પાસે અકસ્માત થયો હતો.

આ અકસ્માતમાં એક ટ્રક ચાલકે બાઇક સવાર દંપતિને અડફેટે લેતે મહિલા ઘટના સ્થળે જ કચડાઈ ગઈ હતી. આ ઘટનામાં મહિલાના શરીરના ચીથરા નીકળી જતા ઘટના સ્થળે જ તેમનું મોત થયું હતું જ્યારે તેમના પતિને ઇજા થઈ હતી.

ઇજાગ્રસ્ત પતિને સિવિલ હૉસ્પિટલમાં સારવાર માટે ખસેડવામાં આવ્યા હતા જ્યારે ટ્રક ચાલક અકસ્માત સર્જીને ફરાર થઈ ગયો હતો. દમરિયાનમાં મહિલાના વિચ્છેદિત થયેલા મૃતદેહને પોસ્ટમોર્ટમ અર્થે ખસેડવામાં આવ્યો હતો. ઘટનાના પગલે સ્થાનિકોનાં ટોળા વળી ગયા હતા અને અકસ્માત જોઈને સૌને અરેરરાટી છૂટી ગયી હતી.