મહિસાગર જિલ્લામાં ફાયરિંગની ઘટના બની હતી જેમાં કુખ્યાત આરોપી સાજિદનું મોત નીપજ્યું છે. મળતી માહિતી પ્રમાણે આ કુખ્યાત આરોપી ચોરી કરવા જતો હતો ત્યારે પોલીસે તેને રોક્યો હતો. જોકે, તેણે પોલીસ પર ફાયરિંગ કરતા પોલીસે પણ ક્રોસ ફાયરિંગ કર્યું હતું. જેમાં તેનું મોત નીપજ્યું હતું. ત્યારબાદ વાતાવરણ તંગ બની ગયું હતું. પેટ્રોલિંગ દરમિયાન લોકોએ પોલીસ ઉપર પથ્થર મારો કર્યો હતો. જેથી આ વિસ્તારમાં ચુસ્ત પોલીસ બંદોબસ્ત ગોઠવી દેવામાં આવ્યો છે. (મિતષ ભાટિયા, મહિસાગર)
મળતી માહિતી પ્રમાણે મહિસાગરના લુણાવાડામાં આ વિસ્તારોનો કુખ્યાત આરોપી સાજિદ ચોરી કરવા ગયો હતો. ત્યારે પોલીસ તેને જોઇ ગઇ હતી. પોલીસે તેને રોક્યો હતો જોકે, તેણે પોલીસ સામે બંધુક ધરીને ફાયરિંગ કર્યું હતું.
જેની સામે પોલીસે પણ તેની સામે ક્રોસ ફાયર કર્યું હતું. જેથી આરોપી સાજિદનું મોત નીપજ્યું હતું. જોકે, સાજિદના ફાયરિંગથી એક પોલીસ કર્મચારી પણ ઘાયલ થયો હતો. જેને સારવાર અર્થે હોસ્પિટલ ખસેડવામાં આવ્યો હતો.
બીજી તરફ આ વિસ્તારમાં કુખ્યાત સાજિદના મોત બાદ વાતાવરણ તંગ થઇ ગયું હતું. લુણાવાડા મધવાસ દરવાજા પાસે જ્યારે પોલીસ પેટ્રોલિંગ કરવા ગઇ હતી ત્યારે લોકોએ પોલીસ ઉપર પથ્થર મારો કર્યો હતો.
