મહિસાગરઃ સાધારણ સભામાં પ્રમુખે શિક્ષકને માર્યો લાફો, વીડિયો થયો વાયરલ

મહિસાગર જિલ્લામાં શિક્ષકને લાફો મારવાની ઘટના બની છે. મળતી માહિતી પ્રમાણે સંતરામપુર ટીચર સોસાયટી પ્રાથમિકની સાધારણ સભામાં પ્રમુખે શિક્ષકની આડાઇને લઇને લાફો માર્યો હતો. આ શિક્ષકે અગાઉ પણ સોસાયટીમાં ઉચાપત કરી હોવા છતાં વરણી કરતા શિક્ષકોમાં રોષ ફેલાયો છે. (મિતેષ ભાટીયા, મહિસાગર)

મળતી માહિતી પ્રમાણે મહિસાગર જિલ્લામાં સંતરામપુરમાં ટીચર સોસાયટીની સાધારણ સભા મળી હતી. સાધારણ સભાની કાર્યવાહી દરમિયાન પ્રમુખ ભાર્ગવ પટેલે શિક્ષક અરવિંદને લાફો માર્યો હતો.

જેના પગલે શિક્ષકોમાં સોપો પડી ગયો હતો. પ્રમુખ દ્વારા શિક્ષકને લાફો મારવાની આ ઘટનાનો વીડિયો ભારે વાયરલ થયો છે.

સુત્રોના જણાવ્યા પ્રમાણે સાધારણ સભાની બેઠકમાં જે શિક્ષકે અગાઉ સોસાયટીમાં ઉચાપત કરી હતી એની જ વરણી કરવામાં આવી હતી. જેના પલે શિક્ષકોમાં રોષ ફેલાયો હતો.

જોકે, આ સભાની કાર્યવાહી દરમિયાન શિક્ષકની આડાઈને લઇને પ્રમુખે તેને લાફો માર્યો હોવાનું સુત્રો જણાવી રહ્યા છે.

શિક્ષકના જણાવ્યા પ્રમાણે સાધારણ સભામાં કમિટિના ચેરમેન અને મંત્રીએ પોતાની રીતે જ બધા ઠરાવો કરી લીધા છે. બધા શિક્ષકો હાજર રહ્યા છે એ અંગે હાજરી પત્રકમાં શી કરી છે પરંતુ કોઇ ઠરાવમાં સહિ કરી નથી.

એટલે શિક્ષકોની માંગણી છે કે સહિ કરેલા ઠરાવને માન્ય રાખવામાં આવે અને બાકીના રઠાવો રદ કરવામાં આવે.