પોલીસની દબંગાઈ! મહિસાગરઃ બાલાસિનોરમાં કોઈ ગુના વગર કલાકો સુધી બે ડોક્ટરોને લોકઅપમાં પુરી રાખ્યા

મિતેષ ભાટિયા, મહીસાગરઃ મહીસાગરના (Mahisagar) બાલાસિનોર (balasinor) નગરમાં કોરોનાના કપરા કાળમાં (corona pandemic) સેવા આપી રહેલા બે ડોક્ટરોને (doctors) પોલીસે (police) કોઈ જ કારણ વગર પોલીસ મથકે બોલાવી ત્રણ કલાક સુધી જેલમાં પુરી રાખતા આજે તમામ મેડિકલ સ્ટોર સહિત દવાખાના ઓ બંધ કરી તમામ મેડિકલ એસોસિએશન આજે અચોક્કસ મુદત ની હડતાળ માં જોડાયા છે.

મહીસાગર જિલ્લાના બાલાસિનોર નગરમાં આવા કોરોનાના કપરા સમયમાં પોતાના પરિવારની ચિંતાના કરી કોરોના દર્દીઓને સારવાર કરી રહ્યા છે. ત્યાંરે આવા કોરોના વોરિયર્સ ડોક્ટરો પર પોલીસ કોઈ કારણ વગર પોતાની દબંગાઈ બતાવતી હોવાનું ડોક્ટરો જણાવી રહ્યા છે.

બાલાસિનોર નગરના ડોક્ટર ભાવેશ શાહ તેમજ એક અન્ય ડોક્ટર અને યસ મેડિકલ સ્ટોરના માલિક દિલીપભાઈને પોલીસ વાનમાં આવેલ એક કોન્સ્ટેબલે પીઆઈ સાહેબ પોલીસ મથકે બોલાવે છે કહી ડોક્ટર અને મેડિકલ સ્ટોરના માલિકને પોલીસ મથકે લઇ જવામાં આવ્યા હતા.

બાદમાં બાલાસિનોર પોલીસ મથકના પી આઈ દ્વારા કોઈ પણ કારણ વગર પોતાની સત્તાનો દૂર ઉપયોગ કરીને બંનેને ત્રણ કલાક સુધી લોકપમાં બેસાડી દેવામાં આવ્યા હતા. જોકે સમગ્ર પોલીસની દબંગાઈ સામે મેડિકલ એસોસિએશન દ્વારા ખોટી રીતે જેલમાં પુરવામાં આવ્યા હતા.

બાલાસિનોર નગરમાં આવેલા તમામ દવાખાના સહિત મેડિકલ સ્ટોર બંધ રાખી આજે તમામ એસોસિએશન ભેગા મળી અચોક્કસ મુદતની હડતાળમાં જોડાયા છે.

તેમજ ખોટી રીતે પોલીસે ડોક્ટર અને મેડિકલ સ્ટોરના સંચાલકને પુરી દેવા બાબતે જો કોઈ કાર્યવાહી કરવામાં નહીં આવે ત્યાં સુધી અચોક્કસ મુદતની હડતાળમાં જોડાઈ ગયા છે ત્યારે બીજી તરફ કોરોના દર્દીઓ હેરાન પરેશાન બન્યા છે.