મહીસાગરમાં કરૂણ ઘટના! ST-બાઇક વચ્ચે અકસ્માત, બસના ટાયર નીચે કચડાઈ જતા બાળકનું મોત

મિતેશ ભાટિયા, મહીસાગર : મહીસાગર જિલ્લામાં (Mahisagar) આજે એક ગમખ્વાર અકસ્માતમાં (Accident) બાળકનું (Death of Child) કરૂણ મોત થયું છે. અકસ્માત એસટીની લોકલ (GSRTC-Bike Accident) બસ અને બાઇક વચ્ચે થયો હતો જેમાં બાઇક સવાર વ્યક્તિઓને ઇજા પહોંચી જ્યારે એક બાળક એસટીના જોટા નીચે કચડાઈ જતા તેનું કરૂણ મોત થયું છે. આ અકસ્માત મહીસાગર જિલ્લાના કડાણા (Kadana) તાલુકામાં થયો હતો. કડાણાના લાડપુર પાસે અકસ્માતના પગલે કરૂણાંતિકા સર્જાઈ હતી.

બનાવની વિગતો એવી છે કે આજે મહીસાગરના કાડાણા તાલુાકના લાડપુર નજીક એસટીની લોકલ બસનો અકસ્માત થયાના સમાચારો સામે આવ્યા હતા. ઘટના સ્થળેથી પ્રાપ્ત દૃશ્યોમાં એક બસની બાઇક સાથેની ટક્કર થઈ હોવાનું સામે આવ્યું હતું. ટક્કર બાદ બાળકનું ઘટના સ્થળે જ મૃત્યુ નીપજી ગયું હતું.

આ ટક્કર બાદ બે વ્યક્તિઓને ઇજા પહોંચી પરંતુ સૌથી કરૂણ બાબત એ હતી કે એસટીના ટાયર નીચે એક બાળક કચડાઈને મોત થયું હતું. આ બાળકના મૃતદેહને કાઢવા માટે મુશ્કેલી સર્જાઈ હતી. બાળક એસટીના વ્હિલ નીચે મૃત અવસ્થામાં ફસાઈ ગયું હતું ત્યારબાદ જેસીબી વગર તેને કાઢવું શક્ય નહોતું.

દરમિયાન મહીસાગર પોલીસનો કાફલો ઘટના સ્થળે આવી ચઢ્યો હતો. એસટીની માણસાથી પાટવેલ જતી બસની ટક્કરે આ બાળકનું મોત થયા બાદ તેના મૃતદેહને કાઢવા જેસીબી મંગાવવામાં આવ્યું હતું. અહેવાલ મુજબ જેસીબીથી બસ ઉંચી કરી અને ટાયર નીચે ફસાયેલો બાળકનો મૃતદેહ કાઢવામાં આવ્યો હતો.

ઘટનાના પગલે લોકો ડર સાથે આઘાતમાં હતા. જોકે, એસટીના મુસાફરોને ઈજા પહોંચી હોવાના હાલ સમાચાર નથી. થોડા દિવસો પહેલાં ખેડાના કઠલાલમાં પણ એક એસટીનો ગમખ્વાર અકસ્માત થયો હતો ત્યારે સલામત સવારી ગણાતી એસટીને અકસ્માતોથી બચાવવા નિગમે ચોક્કસ પગલાં ભરવા જ રહ્યા