Nadiad: મહિલાએ કેનાલમાં ઝંપલાવ્યું, યુવક-યુવતી ઝઘડતા આવ્યા અને યુવતીએ કેનાલમાં છલાંગ લગાવ્યાની ચર્ચા

જનક જાગીરદાર, ખેડાઃ ખેડા જિલ્લાના (Kheda news) નડિયાદમાંથી (Nadiyad) પસાર થતી કોલેજ પાસેની કેનાલમાં કોઈ મહિલાએ છલાંગ લગાવી હોવાની માહિતી નડિયાદ ફાયર કન્ટ્રોલને (Nadiad Fire Control) મળી હતી. આથી ફાયરબ્રિગેડના તરવૈયાઓએ બનાવ સ્થળે આવી નહેરના પાણીમાં શોધખોળ હાથ ધરી છે. જોકે પહોંચેલ ફાયર બ્રિગેડની ટીમને બનાવ સ્થળે આ મહિલાના (woman) કોઇ વાલીવારસો કે ઘટનાનો અન્ય પ્રત્યદર્શી મળી ન આવતા આ બાબત સાચી છે કે ખોટી તે પણ તપાસનો વિષય પર અટકી છે.

નડિયાદમાં કોલેજ રોડ પરથી મહી સિંચાઈની મુખ્ય કેનાલ પસાર થાય છે. રવિવારે સવારે 11:30ની આસપાસ અહીંયા કોઈ મહિલા નહેરના પાણીમાં ઝંપલાવ્યું હોવાની વાત નડિયાદ સ્થિત ફાયર કન્ટ્રોલને મળી હતી.

આથી ફાયરબ્રિગેડની ટીમ 5 જેટલા તરવૈયાઓને જરૂરી સાધન સામગ્રી સાથે બનાવ સ્થળે દોડી આવ્યા હતા. પરંતુ સ્થળ પર કોઈ મહિલાના વાલીવારસો કે અન્ય પ્રત્યદર્શી વ્યક્તિ પણ હાજર નહોતા.

આમ છતાં પણ માનવતાની દ્રષ્ટિ દાખવી ફાયરબ્રિગેડના તરવૈયાઓએ નહેરના પાણીમાં શોધખોળ આદરી હતી. કોલેજ ધોધથી સિવિલ ગરનાળા સુધી આ શોધખોળની પ્રક્રિયા હાથ ધરાઈ પરંતુ કોઈ વ્યક્તિ મળી આવ્યું નહોતું.

તેમ ફાયર બ્રિગેડના કર્મીએ જણાવ્યું છે. આ ઘટનાને પગલે લોકોના ટોળેટોળા જોવા આવી ગયા હતા. ચર્ચાતી વાતો મુજબ યુવક યુવતી ઝઘડતાં ઝઘડતા આવ્યા અને એ પૈકી યુવતીએ કેનાલમાં છલાંગ લગાવી હોવાની વાતોએ જોર પકડયું છે.