વડતાલ સ્વામિનારાયણ મંદિરનો અનોખો સેવાયજ્ઞ, કોરોના દર્દીઓ માટે દરરોજ નિઃશુલ્ક પહોંચાડે છે 2000 ટિફિન

જનક જાગીરદાર: મધ્ય ગુજરાતના આણંદ જિલ્લાની શ્રીકૃષ્ણઃ હૉસ્પિટલમાં સમગ્ર ગુજરાતમાંથી કોવિડ-19ના દર્દીનો ભારે ધસારો થઇ રહ્યો છે. કોરોના સંક્રમિત દર્દીઓ સતત શ્રીકૃષ્ણઃ હૉસ્પિટલમાં સારવાર અર્થે આવી રહ્યા છે ત્યારે વડતાલ સ્વામિનારાયણ મંદિરે કોરોનાના દર્દી અને તેમની સાથે આવતા તેમના સગા-સંબંધીના જમવાની ચિતા કરી છે. વડતાલ સ્વામિનારાયણ મંદિર શ્રીકૃષ્ણઃ હોસ્પિટલને રોજ સવાર અને સાંજે કુલ 2 હજાર ટિફિન પાર્સલ સેવા નિઃશુલ્ક પહોંચાડે છે.  

કોરોના સંક્રમિત દર્દીઓ અને તેમના સગા-સંબંધીઓની વેદના વડતાલ મંદિરે સાંભળી છે. હાલ કોરોના દર્દી અને તેમના સગા-સંબંધીને તાજું શાકભાજી અને શુદ્ધ ભોજન વડતાલ સ્વામિનારાયણ મંદિર દ્વારા પહોંચાડવામાં આવી રહ્યું છે.

વડતાલ મંદિરના સંતો અને સ્વયંસેવકો શ્રીકૃષ્ણઃ હૉસ્પિટલના દર્દીઓ માટે સવાર અને સાંજ બે ટાઈમ ભોજન બનાવી શ્રીકૃષ્ણઃ હૉસ્પિટલમાં પહોંચતું કરે છે.

વડતાલ મંદિરના કોઠારી સ્વામીના જણાવ્યા મુજબ શુદ્ધ આહાર મન અને તનને મજબૂત કરે છે. જિલ્લા વહીવટી તંત્ર અને શ્રીકૃષ્ણઃ હૉસ્પિટલે અમોને કોરોના સંક્રમિત દર્દી અને તેમના સગા-સંબંધીને જમવાના ટિફિનની સેવા આપી અમોને કૃતાર્થ કર્યા છે.

અમારા સંતો અને સ્વયંસેવકો રોજ સરેરાશ સવાર અને સાંજે કુલ બંને ટાઈમના 2 હજાર જેટલા ટિફિન બનાવી શ્રીકૃષ્ણઃ હૉસ્પિટલમાં પહોંચતા કરે છે.

વડતાલ સ્વામિનારાયણ મંદિરનો અનોખો સેવાયજ્ઞ

વડતાલ સ્વામિનારાયણ મંદિરનો અનોખો સેવાયજ્ઞ

વડતાલ સ્વામિનારાયણ મંદિરનો અનોખો સેવાયજ્ઞ

વડતાલ સ્વામિનારાયણ મંદિર