નડિયાદમાં NRI પરિવારે ઉત્તરાયણની કરી અનોખી ઉજવણી, ધાબાને રાખ્યું 'ફોન ફ્રી'

નડિયાદ: સમાજમાં મોબાઇલનું દુષણ વધી રહ્યું છે. હવે તો આ દુષણથી આપણા તહેવારો પર પણ અસર પડવા માંડી છે. ખાસ કરીને ઉત્તરાયણના આ દિવસે અવકાશી યુધ્ધના ખેલાતા ખેલનો નજારો જોવાને બદલે આજની જનરેશન ટેરેસ પર પહોંચી ગરદન નીચી કરી મોબાઈલમાં જ વ્યસ્ત બની છે. આવી સ્થિતિ વચ્ચે નડિયાદના એક NRI પરિવારે અનોખી થીમ પર ઉત્તરાયણ પર્વની ઉજવણી કરી. આ લોકો મોબાઇલ વગર ધાબા પર ઉત્તરાયણની ઉજવણી કરી રહ્યા છે.

નડિયાદનાં આ પરિવારે લોકોને શીખ આપતો સંદેશ આપ્યો છે.

આ પરિવારે પોતાના મકાનના ટેરેસને ફોન ફ્રી ઝોન ટેરેસ જાહેર કરી છે.

એટલે કે, અહીંયા પરિવારના સૌ‌ સભ્યો, મિત્ર મંડળ Without Mobile વગર આ પર્વની ઉજવણી કરી રહ્યા છે.

સાથે સાથે મોબાઈલ જરૂર કરતાં વધુ વાપરવાથી થતાં નુકશાનો અને મોબાઈલથી દુર રહેવાની આદત કઈ રીતે કેળવવી તેની ટીપ્સ આપતાં સંદેશા સાથે પતંગો ઉડાડી છે અને ઉત્તરાયણની ખરી મોઝ માણી રહ્યા છે.

આ પરિવારે મોબાઇલનાં દૂષણને દૂર કરવાનો પ્રયત્ન કર્યો છે.