ખેડાઃ જમીન મુદ્દે ખેલાયો ખૂની ખેલ! ગળા ઉપર ધારિયાના ઘા કરી યુવકને રહેંસી નાંખ્યો

જનક જાગીરદાર, ખેડાઃ ખેડા જિલ્લામાં (kheda) નવા દિવસોમાં જમીન બાબતની તકરારમાં (land dispute) એક યુવકની હત્યા (boy murder) કરાતાં પુરા પંથકમાં ચકચાર મચી છે. બે જ્ઞાતી વચ્ચે જમીનના ચાલતા વિવાદમાં યુવકની હત્યા થતાં પુરા ગામમાં સન્નાટો છવાઈ ગયો છે. બનાવની જાણ ખેડા ટાઉન પોલીસ (kheda town police) ઘટના સ્થળે દોડી આવી ગુનો નોંધવાની કામગીરી હાથ ધરી છે.

ખેડા તાલુકાના ઢઠાલ ગામે રવિવારે ખુની ખેલ ખેલાયો હતો. જેમાં આ ગામમાં વસવાટ કરતા પ્રિતેશ બાબુભાઇ મકવાણાની હત્યા થઈ છે. મૃતકને ગળાના ભાગે ધારીયા વડે રહેસી નાખતા આ યુવકનું ઘટના સ્થળે મોત નીપજ્યું છે.

બનાવની જાણ ખેડા ટાઉન પોલીસને થતા પોલીસનો કાફલો ઘટના સ્થળે દોડી આવ્યો હતો. પોલીસની પ્રાથમિક તપાસમાં આ યુવકની હત્યા જમીન બાબતની તકરારમાં થઈ હોવાનું જણાવ્યું છે. વધુમાં બે જ્ઞાતી વચ્ચે જમીન બાબતની છેલ્લા ઘણાં સમયથી તકરાર ચાલતી હતી જેમાં આ હત્યા થઈ હોવાનું જણાવ્યું છે.

પોલીસે ફરિયાદના આધારે ગુનો નોંધવાની કામગીરી હાથ ધરી છે. જ્યારે મૃતક યુવાનને ખેડા સિવિલમાં લાવી પેનલ ડોક્ટરની ટીમ દ્વારા પીએમ કરવાની કામગીરી કરાઈ છે.

ઉલ્લેખનીય છે કે બેસતા વર્ષના દિવસે જ સુરતમાં જાહેરમાં યુવકની હત્યા કર્યાની ચકચારી ઘટના પણ બની હતી. નવા વર્ષના દિવસે સુરતના ગોડાદ્રા પોલીસ સ્ટેશન વિસ્તારમાં એક યુવકની હત્યા થઈ હતી (Surat Murder of Youth on Gujarati New year) પેટ્રોલ પંપમાં લાઈનમાં ઊભા રહેવા થયેલા ઝઘડાને લઇને ત્રણ યુવકોએ પેટ્રોલ પંપની બહાર એક યુવક પર ચપ્પુ વડે હુમલો કરતા યુવકનું ઘટના સ્થળે (Surat Godadara Murder) મોત થયું હતું.

હત્યાના પગલે સમગ્ર વિસ્તારમાં ચકચાર મચી જવા પામી હતી. જયેશ નામના આ યુવકને પેટ્રોલ પમ્પની લાઇનમાં વચ્ચે ઘૂસ મારવા જતા મોત મળ્યું છે. જોકે, આ ઘટના સામાન્ય હતી અને તેમાં હત્યા જેવો સંગીન અપરાધ ઘટી જતા હાહાકાર મચી ગયો છે.