kheda news: કટકપુરા ભાટિયાલાટમાં દારૂની મહેફિલ ઉપર પોલીસ ત્રાટકી, કોંગ્રેસના ex MLA સહિત 8 ઝડપાયા

જનક જાગીરદાર, ખેડાઃ ગુજરાતમાં દારૂ બંધી (Gujarat liquor ban) હોવા છતાં ગુજરાતમાં છાસવારે દારૂની મહેફિલ (liquor party) પકડાતી હોય છે. ક્યારેક ક્યારે હાઈપ્રોફાઈલ દારૂની મહેફિલો ઝડપાતી હોય છે ત્યારે ખેડા પોલીસ સ્ટેશનની (kheda police station) હદમાંથી પોલીસે દારૂની મહેફિલ પકડી હતી. જેમાં મહેમદાવાદના કોંગ્રેસના પૂર્વ ધારાસભ્ય ગૌતમ ચૌહાણ (congress ex mla gautam chauhan) સહિત આઠ લોકોની અટકાયત કરી હતી. અને આગળની કાર્યવાહી હાથધરી હતી.

મળતી માહિતી પ્રમાણે ખેડા ટાઉન પોલીસને બાતમી મળી હતી કે મહેમદાવાદ તાલુકાના ભાટીયાલાટના કતકપુરામાં આવેલી શ્રીજી ટ્રેડર્સની ઓફિસમાં દારૂની મહેફિલ જામેલી છે. બાતમીના આધારે પોલીસે મનિષભાઈ પટેલની માલિકી ધરવાતી ઓફિસમાં રેડ પાડી હતી.

પોલીસની રેડમાં ઘટના સ્થળેથી વરસોલાના રહેવાસી અને કોંગ્રેસના પૂર્વ ધારાસભ્ય ગૌતમભાઈ રાવજીભાઈ ચૌહાણ સહિત આઠ લોકો દારૂની મહેફિલ માણતા ઝડપાયા હતા. પોલીસે આ તમામને પોલીસ સ્ટેશન લઈ જઈને ગુનો નોંધ્યો હતો.

પોલીસના જણાવ્યા પ્રમાણે 1 ગૌતમભાઈ રાવજીભાઈ ચૌહાણ (એક્સ એમ.એલ.એ), રહે વરસોલા, મહેમદાવાદ, 2- મનિષભાઈ જગદીશભાઈ પટેલ રહે ભાટીયાલાટ, 3. નૈષધ ભાનુપ્રસાદ ભટ્ટ, રહે. નવજીવન, સોસાયટી મહેમદાવાદ, 4. દીલીપભાઈ નટવરભાઈ શાહ, રહે. પૃથ્વી કોમ્પ્લેક્શ મહેમદાવાદની અટકાયત કરી હતી.

આ ઉપરાંત 5. કેયુરભાઈ નાગેશભાઈ પટેલ, રહે. માંકવા ગામ, મહેમદાવાદ, 6. બાબુભાઈ રમણભાઈ ગોહેલ, રહે. છાપરા. તા. મહેમદાવાદ, 7. ફતેસિંહ રાવજીભાઈ ગોહેલ, રહે. છાપરા. તા. મહેમદાવાદ, 8. અરવિંદભાઈ બુધાભાઈ ચૌહાણ, રહે. છાપરા. તા. મહેમદાવાદની અટકાયત કરી હતી.