દાહોદઃ કમકમાટી ભર્યો Accident, ટ્રકે બાઈક સહિત વિદ્યાર્થિનીઓને અડફેટે લીધી, સ્કૂલથી ઘરે જતા મોતને ભેટી

સાબિર ભાભોર, દાહોદઃ ગુજરાતમાં (Gujart news) દરરોજ ક્યાંકના ક્યાં માર્ગ અકસ્માતની (accident news) ઘટનાઓ બનતી રહે છે ત્યારે દાહોદ જિલ્લામાં પણ એક કમકમાટી ભરી અકસ્માતની ઘટના બની હતી. અહીં એક ફૂલ સ્પીડ ટ્રકે બાઈક સહિત ચાલતી જતી (truck and bike accident) વિદ્યાર્થિનીઓને અડફેટે લીધી હતી. જેના પગલે બંને વિદ્યાર્થિનીઓના કમકમાટી (girl students died in accident) ભર્યા મોત નીપજ્યા હતા. અકસ્માત સર્જીને ટ્રક ચાલક ઘટના સ્થળે ટ્રક મૂકીને ફરાર થયો હતો. ઘટનાની જાણ થતાં જ પોલીસ સ્થળ (police) ઉપર પહોંચી હતી. અને આગળની કાર્યવાહી હાથધરી હતી. જ્યારે સ્થાનિક લોકોના ટોળા પણ એકઠાં થયા હતા.

ઘટના અંગે મળતી માહિતી પ્રમાણે દાહોજ જિલ્લાના લીમખેડા-ઝાલોદ હાઈવે ઉપર આજે ગુરુવારે અકસ્માત સર્જાયો હતો. અહીં મોટાહાથીધરા નજીક એક ટ્રક માતેલા સાંઢની માફક ફૂલ સ્પીડ જતો હતો. ત્યારે ચાલકે સ્ટેયરિંગ ઉપર કાબુ ગુમાવતા રસ્તા પર જતાં બાઈક ચાલકને અડફેટે લીધા બાદ ચાલતી જતી વિદ્યાર્થિનીઓને પણ અડફેટે લીધી હતી.

ટ્રકને અડફેટે આવી જતાં બાઈક ચાલકને ઈજાઓ પહોંચી હતી. જોકે, બંને વિદ્યાર્થિનીઓને ભારે ઈજાઓ પહોંચતા કિશોર વયની બંને વિદ્યાર્થિનીઓના સ્થળ ઉપર જ પ્રાણ નીકળી ગયા હતા. અકસ્માત સર્જીને ટ્રક ચાલક ટ્રક મુકીને ફરાર થયો હતો.

ઘટનાની જાણ થતાં જ સ્થાનિક લોકો ઘટના સ્થળે પહોંચી ગયા હતા. જ્યારે પોલીસને જાણ થતાં પોલીસની ટીમ પણ ઘટના સ્થળે પહોંચી ગઈ હતી. ત્યારબાદ સ્થળ ઉપર પહોંચીને પોલીસે બંને મૃતક વિદ્યાર્થિનીઓના મૃતદેહને પોસ્ટમોર્ટમ માટે હોસ્પિટલ મોકલવામાં આવ્યા હતા.

પ્રાથમિક માહિતી પ્રમાણે બે પૈકી એક વિદ્યાર્થિની 11માં ધોરણમાં અભ્યાસ કરતી હતી જેનું નામ મહેક લખારા છે. બંને વિદ્યાર્થિનીઓ તિર્થ ઇન્ટરનેશનલ સ્કૂલ લીમખેડામાં અભ્યાસ કરીને ઘરે ચાલતી જતી હતી ત્યારે ટ્રક કાળ બનીને આવ્યો હતો.