દાહોદના પિપલોદ ગ્રામ પંચાયતના તલાટીને રૂ.305ની લાંછ લેવી ભારે પડી, ACBએ રંગેહાથે પકડ્યો

સાબિર ભાભોર, દાહોદછ રાજયભરમાં મોટેભાગની સરકારી કચેરીઑમાં (Government office) કર્મચારી કે અધિકારી લાંચ વિના કામ નથી કરતાં ભ્રષ્ટાચારની છાપ સરકારી ખાતાઑમાં જોવા મળી રહી છે તો અનેકવાર એસીબીના છટકામાં (ACB trap)લાંચિયા અધિકારીઓ (corrupt officers) ઝડપાતા હોય છે. તેમ છતાં પગાર સિવાયની ઉપરની આવક મેળવવા ટેવાયેલા કર્મચારીઓ સુધરવાનું નામ નથી લેતા ગ્રામ્ય વિસ્તારોમાં તલાટી (talati) પાસે સામાન્ય દાખલામાં પણ સહી કરવા માટે પણ ચા પાણીના 50-100- 500 રૂપિયા લીધા વગર કામ નથી કરતાં જો લાંચ ન આપે તો અરજદારોને કોઈને કોઈ બહાના હેઠળ ધક્કા ખાવા પડે છે.

આજે માત્ર 305 રૂપિયાની લાંચ લેતા તલાટી ઝડપાયા. વાત છે દાહોદ જિલ્લાના (dahod news) દેવગઢબારિયા તાલુકાના (devgadhbariya) પિપલોદ ખાતે જ્યાં ગામના એક વ્યક્તિએ નવું મકાન બનાવી પંચાયતમાં (panchayat) નોધણી કરાવી હતી.

અને તે બાબતે ગ્રામ પંચાયતમાં તલાટી કમ મંત્રી તરીકે ફરજ બજાવતા રાજેન્દ્રસિંહ વિઠ્ઠલભાઈ પટેલ દ્રારા વેરા પાવતી આપવાના બદલામાં રૂપિયા 500ની માંગણી કરી હતી આ અંગે અરજદારે એસીબીનો સંપર્ક કરતાં આજે પંચમહાલ એસીબીની (panchmahal ACB team) ટીમે છટકું ગોઠવ્યું હતું.

અને ગ્રામ પંચાયતમાં જ 500 માંગણી માંથી 305 રૂપિયાની લાંચ સ્વીકારતા ઝડપાઇ જતાં લાંચિયા તલાટીને ડીટેઈન કરી દાહોદ એસીબી કચેરી લાવી આગળની કાર્યવાહી હાથ ધરી છે.

ઉલ્લેખનીય છે કે સરકારી બાબુઓ નાના નાના કામ માટે સામાન્ય જનતા પાસેથી ટેબલ નીચે રૂપિયા લેતા હોય છે ત્યારે ક્યારેક ટેબલ નીચેથી ચા પાણીના રૂપિયા લેવા જવું સરકારી બાબુઓને ભારે પડી જતું હોય છે. આવો જ કિસ્સો દાહોદ જિલ્લામાં સામે આવતા ચર્ચાનો વિષય બન્યો હતો.