સરપ્રાઈઝ આપવાનું કહીને પતિએ ચપ્પુના ઘા મારી કરી પત્નીની હત્યા

દાહોદમાં પત્નીના આડા સબંધોથી કંટાળી ચપ્પુના ઘ ઝીંકીને પતિએ જ પત્નીને મોતને ઘાટ ઉતારતા પંથકમાં ચકચાર મચી ગઈ હતી. આ અંગે પોલીસે આરોપી પતિની ધરપકડ કરી આગળની કાર્યવાહી હાથ ધરી છે. (સાબિર ભાભોર, દાહોદ)

મળતી માહિતી પ્રમાણે દાહોદ શહેરના કસબા વિસ્તારમાં યશ માર્કેટ સ્થિત રહેતા અકરમ છિપા પોતાની પત્નીના અન્ય યુવક સાથેના પ્રેમ પ્રકરણ અને પત્ની તરફથી મોબાઈલ સોનાના દાગીના સહિ ની માંગણીઓથી કંટાળ્યો હતો. જેના કારણે પત્નીને મોડી રાત્રે સરપ્રાઈઝ આપવાનું કહીને ધાબા ઉપર લઈ ગયા બાદ ચપ્પુના ઘા ઝીંકી મોતને ઘાટ ઉતારી દેતા ચકચાર મચી જવા પામી હતી.

અકરમ છિપાના લગ્ન પાંચેક વર્ષ પહેલા હિના સાથે થયા હતા. લગ્ન પછી બંને વચ્ચે અવાર નવાર ઝગડા થતાં હતા જેને લઈને હિના મધ્યપ્રદેશના ઈન્દોર ખાતે પોતાની માતા પાસે ત્રણ બાળકોને લઈને રહેતી હતી. જ્યારે અકરમએ પત્ની હિનાને દાહોદમાં પોતાની સાથે રહેવાનું કહેવા છતાં તે દાહોદમાં રહેવા તૈયાર નહોતી.

સોમવારે રાત્રે મરણ પ્રસંગની વિધિમાં પોતાની પત્ની સાસુ અને સાળી આવ્યા હતા જ્યારે અકરમે આજે સરપ્રાઈઝ આપીશ તેવું કહી એપાર્ટમેન્ટની છત ઉપર લઈ જઈ ચપ્પુના ઘા ઝીંકી મોતને ઘાટ ઉતારી દીધી હતી.

અકરમ હત્યા કર્યા બાદ મૃતદેહને ધાબા ઉપર જ મૂકીને નીચે આવ્યો ત્યારે તેની સાસુને બિન્દાસ્ત પણે કહ્યું કે તેને હિનાને મારી નાખી છે. જેથી તાત્કાલિક મૃતકની માતા અને બહેન ઉપર દોડી ગયા હતા અને બુમરાણ મચાવતા આસપાસ માંથી લોકો દોડી આવ્યા હતા. પોલીસને જાણ કરતાં દાહદો ટાઉન પોલીસે ઘટના સ્થળે પહોચી આરોપી અકરમની ધરપકડ કરી મૃતદેહને પોસ્ટમોર્ટમ માટે મોકલી અકરમ વિરુધ્ધ હત્યાનો ગુનો નોધી કાયદેસરની કાર્યવાહી હાથ ધરી હતી