દાહોદ : બેકાબૂ બનેલી કાર બે-ત્રણ ગોથા મારી ખાડામાં ખાબકી, જાણીતા ડૉ.રાહુલ લબાનાનું મોત

શાબીર ભાભોર, દાહોદ : દાહોદ (Dahod Car Accident) નજીક આજે એક ગમખ્વાર અકસ્માત થયો છે. અકસ્માતમાં એક જાણીતા ડૉક્ટરનું (Dahod Dr Death) ઘટના સ્થળે મોત નીપજ્યું હોવાનો બનાવ સામે આવ્યો છે. દાહોદ નજીકના કતવારા (Dahod Katvara Car Accident) પાસે કાર બેકાબૂ બનતા પલટી હતી અને રોડની નજીક ખાડામાં જઈને ખાબકી હતી. આ અકસ્માતમાં ઓર્થોપેડિક સર્જન રાહુલ લબાનાનું (Dr. Rahul Labana Death in Dahod Accident) મોત નીપજ્યું છે. અકસ્માત બાદ કારનો કચ્ચરઘાણ વળી ગયો છે જેના પરથી તેની તીવ્રતાનો ખ્યાલ આવે છે.

બનાવની વિગતો એવી છે કે દાહોદના પ્રખ્યાત તબીબ ડૉ. રાહુલ લબાના જાણીતા ઓર્થોપેડિક સર્જન હતા અને જાણીતા હૉસ્પિટલમાં પ્રેક્ટિસ કરતા હતા. ગત રોજ ડૉ. લબાના કામ અર્થે પોતાની કાર લઈને નીકળ્યા હતા. દરમિયાન વરસાદના કારણે રોડ પર પાણી ભરાયા હતા જેના કારણે તેમની કારને અકસ્માત નડ્યો હતો.

આ અકસ્માતમાં રસ્તા પર પાણી ભરાયેલા હોવાના કારણે કાર અચાનક બેકાબૂ બની હતી. તબીબની કારનો સ્ટીયરીંગ પરથી કાબૂ ગુમાવતા જે પલટી હતી. પ્રત્યક્ષદર્શીઓના મતે કાર બેથી ત્રણ વાર ગોથા મારી અને સીધી ખાડામાં જઈને ખાબકી હતી.

ખાડામાં પડેલી કારમાં સવાર ડૉ.રાહુલ લબાનાનું ઘટના સ્થળે મોત થઈ ગયું હતું. જોકે, તેમની સાથે અન્ય કોઈ વ્યક્તિ સવાર હતી કે કેમ તેની માહિતી સામે આવી નહોતી પરંતુ સંભવ: તબીબ એકલા જ આ કારમાં સવાર હતા.

કારનો અકસ્મતા થયા બાદ લોકો દોડી આવ્યા હતા પરંતુ તબીબનો જીવ બચ્યો નહોતો. આમ લોકોના જીવ બચાવતા તબીબને અકસ્માતમાં કરૂણ મોત મળ્યું હતું. ઘટનાના પગલે સમગ્ર વિસ્તારમાં ચકચાર મચી ગઈ છે.